Nga truket e thjeshta me karta deri te meditimi – tetë mënyra për ta mbajtur trurin të mprehtë

Mbajtja e trurit të mprehtë ndërsa plakeni është jetike dhe mund të mos jetë aq e vështirë sa mendoni.

Portierët e futbollit kanë tru më të shpejtë se ne të tjerët – ka treguar një studim. U zbulua se ata përpunonin pamjet dhe tingujt më shpejt se lojtarët jashtë fushës dhe publiku në përgjithësi, gjë që përmirëson reagimet jetike për dikë në pozicionin e tyre në fushë.

Kohët e reagimit ose reflekset, zvogëlohen si pjesë e natyrshme e plakjes, ndërsa kohët e reagimit të keq janë lidhur madje me një rrezik të shtuar të vdekjes së hershme. Përmirësimi i tyre mund të zvogëlojë frekuencën e rënies së kujtesës.

Plus, ka disa gjëra të vërtetuara dhe të thjeshta që mund t’i bëni për ta mbajtur trurin tuaj në performancën maksimale pa u futur ndonjëherë në fushë.

Lexo po ashtu Përfitimet shëndetësore dhe ushqyese të shegës

Në vijim është një përzgjedhje që shumë prej nesh mund t’i provojnë:

Dëgjimi

Dëgjimi luan një rol në aftësinë tonë për të qëndruar mendërisht të mprehtë. Humbja e tij është treguar se zvogëlon trurin dhe mund të çojë në vetmi, një pararendës i çmendurisë.

Ekspertët thonë se loja e zhurmës së bardhë me zë aq të lartë sa nuk mund ta dëgjoni televizorin në prapavijë, për dhjetë minuta në ditë, ndihmon.

Andy Shanks, një ekspert dëgjimi është shprehur: “Gradualisht, duhet të vini re se jeni në gjendje të kuptoni se çfarë thuhet në shfaqjen televizive”.

Kjo do të ndihmojë në situata të tilla si biseda në pijetore ose zyra të zhurmshme.

Loja me letra

Loja me letra nuk bëhet kurrë e mërzitshme, ndërsa disa studime kanë treguar se ato mund të ndihmojnë në uljen e rrezikut të dëmtimit të butë njohës me një të pestën.

Dëmtimi i lehtë kognitiv bën që të sëmurët të kenë probleme të vogla në aftësitë e tyre mendore, si kujtesa ose të menduarit mbi atë që pritej për moshën e tyre.

Dr Yonas Geda, nga klinika Mayo në Scottsdale të Arizonës është shprehur: “Ka një interes në rritje për faktorët e stilit të jetesës që mund të ndihmojnë në ngadalësimin e plakjes së trurit”.

Gjuhët e huaja

Shkoni në një kurs intensiv të gjuhës për vetëm një javë, ndihmon në përmirësimin e niveleve të përqendrimit.

Ekspertët zbuluan se nxënësit në një kurs të shkurtër skocez panë përmirësime të rëndësishme në aftësinë e tyre për të ndërruar vëmendjen.

Dr Thomas Bak nga Universiteti i Edinburgut shprehet: “Edhe një periudhë e shkurtër e të mësuarit intensiv të gjuhës mund të modulojë funksionet e vëmendjes. Për më tepër, këto efekte afatshkurtra mund të mbahen përmes praktikës së vazhdueshme”.

Lexo po ashtu Për shëndetin e trurit dhe përmirësimin e kujtesës, bëni këto pesë ushtrime

Hobi i ri

Sa herë që zotërojmë diçka të re, truri ynë krijon lidhje të reja dhe forcon shtigjet ekzistuese, transmeton The Sun.

Dr John Morri nga Instituti për Kërkimin e Plakjes ka deklaruar: “Përfundimisht, aftësitë tuaja njohëse do të zbehen… kështu që ju duhet të krijoni rezervën tuaj”.

“Përqafimi i një aktiviteti të ri që ju detyron gjithashtu të mendoni dhe të mësoni dhe që kërkon praktikë të vazhdueshme mund të jetë një nga mënyrat më të mira për ta mbajtur trurin të shëndetshëm”.

Lëvizni

Kombinimi i kreativitetit dhe stërvitjes është një mënyrë e shkëlqyer për ta stimuluar mendjen.

Studimet, përfshirë kërkimet në Universitetin Shtetëror Minot në Dakotën e Veriut, zbuluan se stërvitja Zumba e frymëzuar nga kërcimi latin ndihmon në përmirësimin e njohjes vizuale dhe vendimmarrjes.

“Bazuar në provat, praktika e kërcimit integron zonat e trurit për të përmirësuar neuroplasticitetin”, ka theksuar Dr Lavinia Teixeira-Machado nga Universiteti Federal i Sergipe në Brazil.

Ushqimi

Një mori studimesh kanë treguar se ngrënia e ushqimeve të pasura me antioksidantë ndihmon në përmirësimin dhe ruajtjen e performancës së trurit.

Një punim, i botuar në revistën akademike Antioxidants, zbuloi se njerëzit që hanin më shumë polifenole, të gjetura në fruta dhe perime, kishin përpunim më të shpejtë të mendimit.

Dr. Juan Angel Carrillo, nga Universidad Catolica de San Antonio në Spanjë ka thënë se rritja e antioksidantëve ndihmon në përmirësimin e kujtesës dhe vëmendjes.

Lexo po ashtu Njerëzit që flenë rregullisht gjatë ditës, priren të kenë tru më të shëndetshëm

Shuajeni

Tymi i duhanit bllokon arteriet dhe zvogëlon sasinë e gjakut dhe oksigjenit që hyn në lëndën gri, një lloj indi i trurit që është thelbësor për funksionimin e përditshëm – përfshirë kujtesën.

Dr. Sara Imarisio, kreu i kërkimit në Alzheimer’s Research UK ka theksuar: “Mospirja e duhanit, apo edhe lënia e duhanit, është një nga mënyrat më të mira për ta përmirësuar shëndetin tuaj të përgjithshëm. Është treguar se zvogëlon rrezikun e zhvillimit të demencës, sëmundjeve të zemrës dhe goditjes në tru”.

Dhe merrni frymë…

Ndarja e kohës për të praktikuar vëmendjen nuk është vetëm e mirë për shëndetin mendor, por mund ta rritë madhësinë e trurit tuaj.

Plus, hulumtimet kanë treguar se mund ta përmirësojë vëmendjen dhe kujtesën e punës, si dhe t’i zvogëlojë simptomat e depresionit dhe ankthit.

Një studim i publikuar në Neuroscience & Biobehavioral Reviews tregoi se meditimi çdo ditë mund ta rritë vëllimin dhe densitetin e pjesëve të trurit.

Gjeni një aplikacion falas ose një kurs online për t’ju ndihmuar të filloni.

/Telegrafi/