Nga Ramos te Fernandes, Gakpo dhe Gvardiol – cilët lojtarë e kanë dyfishuar apo edhe më shumë çmimin e tyre në Kupën e Botës?

Në ‘planetin e futbollit’ nuk ka asnjë ngjarje që i ngjan një Kampionati Botëror. Madje as Liga e Kampionëve.

Kupa e Botës është e aftë të ‘fusë futbollistët në hartë’ çdo katër vjet, deri atëherë, pothuajse ‘të panjohur’ për publikun e gjerë.

“Katar 2022” padyshim që nuk bën përjashtim.

Gazeta spanjolle Marca ka publikuar një artikull me 17 lojtarët që e kanë shumëfishuar çmimin e tyre ne kemi formuar gjithashtu ‘Revalorizados FC’ tonë të veçantë.

😲💥 De futbolistas casi desconocidos… a estrellas en ciernes desde #Qatar2022: ¡qué bien les sienta el Mundial! 😎 https://t.co/2lHIdeuEPO Por @arubio_marca

— MARCA (@marca) December 9, 2022

Cho Gue-Sung (Koreja e Jugut)

Ylli i Koresë së Jugut : e nisi Kupën e Botës me 20 mijë ndjekës në ‘Instagram’ dhe tashmë ka më shumë se 2.7 milionë. Dy golat i tij në humbjen kundër Ganës (2-3) e katapultoi atë në yll. Sulmuesi i Jeonbuk Motors – është 24 vjeç dhe i gjatë 1.89m – u bë koreani i parë që shënoi dy gola në një ndeshje të Kupës së Botës dhe i pari aziatik që shënoi dy gola me kokë në të njëjtën ndeshje të Kupës së Botës.

Çmimi në Transfermarkt: 1.4 milionë

Harry Souttar (Australi)

Mbrojtësi qendror 24-vjeçar është shembulli më i madh se çfarë është të ‘kërcesh bankën’ në një Kupë të Botës. Ai mbërriti në Katar në vitin 2022 pasi kishte luajtur vetëm një ndeshje të ligës me Stoke City në Championship. Ai theu gjurin dhe sapo kishte një vit pa ndeshje. Megjithatë, australiani ishte pothuajse në çdo ’11 më të mirë’ në fazën e grupeve. Bie në sy shkathtësia e madhe që posedon edhe përkundër përmasave 1.98m. Në Angli e marrin si të mirëqenë se ai do të bëjë kalimin në Ligën Premier në dimër për të paktën 20 milionë euro. Tashmë në derën e tij kanë trokitur Everton dhe Wolverhampton.

Çmimi në Transfermarkt: 4.5 milionë

Hassan Tambakti (Arabia Saudite)

Qendërmbrojtësi 23-vjeçar nga Arabia Saudite bëri përshtypje të madhe, ashtu si edhe shokët e tij të skuadrës Al Owais (portier), Kanno (mesfushor) ose Al Dawsari. Tambakti pati një rol veçanërisht të rëndësishëm në fitoren ndaj Argjentinës (1-2). Mbrojtësi i Al Shabab mbuloi mirë Lionel Messin dhe Lautaro Martinezin.

Çmimi në Transfermarkt: 1 milion

Aissa Laidouni (Tunizia)

Mesfushori 25-vjeçar i Ferencvaros fitoi zemrat e tifozëve me sakrificën dhe shpirtin e tij luftarak. Laidouni festonte çdo ndërhyrje, çdo vjedhje topi, çdo top të ndërprerë… sikur të ishte një gol. Përveç kësaj, ai u vendos në sulm sa herë që mundi: ai ishte tuniziani që shërbeu më shumë pasime në zonë (13). FIFA e shpërbleu duke i dhënë çmimin lojtari i ndeshjes kundër Danimarkës (0-0).

Çmimi në Transfermarkt: 4 milionë

Jean-Charles Castelletto (Kamerun)

Qendërmbrojtësi 27-vjeçar i Nantes ishte vendimtar, së bashku me Pallois, që Nantes të fitonte Kupën e fundit të Francës. Në Botëror ka kaluar në nivel të lartë. Ai pati paraqitje brilante në humbjen kundër Zvicrës (1-0) dhe shënoi e asistoi në barazimin 3-3 kundër Serbisë. Fatkeqësisht, ai humbi fitoren ndaj Brazilit (1-0) për shkak të lëndimit.

Çmimi në Transfermarkt: 4 milionë

Luis Chavez (Meksikë)

Mesfushori i Pachuca ka qenë nota pozitive e një Meksike që, pas shtatë Kupave të Botës radhazi që arritën në raundin e 1/8-tës, ra në fazën e grupeve. Chavez, 26 vjeç, u dallua për lojën në gjithë fushën. Por, nëse ai u dallua për diçka, kjo është për shkak të gjuajtjes së tij të shkëlqyer. Goli i tij i madh kundër Arabisë Saudite (2-1) nga një goditje dënimi direkt është një nga më të mirët në Kupën e Botës. Sikur të mos mjaftonte kjo, ai do të përsëriste disa minuta më vonë.

Çmimi në Transfermarkt: 6.5 milionë

Ko Itakura (Japoni)

Japonia ka lënë disa futbollistë që kanë rritur çmimet e tyre, duke filluar nga ‘ndryshuesit e lojës’ Ritsu Doan dhe Kaoru Mitoma. Megjithatë, qendërmbrojtësi i Borussia Monchengladbach është ai që ka ofruar më së shumti rregullsi gjatë gjithë turneut. Itakura tregoi agresivitet dhe aftësi për të parashikuar për të mbrojtur zonën. Përveç kësaj, ai e nxori topin nga prapa, pavarësisht nëse ishte në një vijë prej tre apo katër mbrojtësve. Nuk është për t’u habitur që ‘City Group’ e ka nënshkruar atë. Gladbach e nënshkroi atë këtë verë, pas promovimit me Schalken, për 5 milionë euro.

Çmimi në Transfermarkt: 7.5 milionë

Antonee Robinson (ShBA)

25-vjeçari Fulhamit ka qenë imazhi i mprehtë i aftësisë atletike që e çoi SHBA-në në raundin e 1/8-tës. Robinson ka qenë futbollisti që ka kryer më shumë ‘sprinte’ në turne sipas të dhënave të vetë FIFA-s: 288 sosh. Ai gjithashtu ka qenë futbollisti i katërt që ka kryer më shumë ndërhyrje (7) dhe i teti më shumë krosime (21). Në Angli tashmë e lidhin me Newcastle Unitedin dhe Inter.

Çmimi në Transfermarkt: 10 milionë

Tyler Adams (ShBA)

Shkëlqimi dhe dinamizmi i mesfushës së SHBA-së ka pushtuar ‘planetin e futbollit’. Loja e Ëeston McKennie dhe Yunus Musah, ka qenë e jashtëzakonshme. Megjithatë, ne donim të qëndronim me Tyler Adams, 23 vjeç. Mesfushori i Leeds Unitedit, i nënshkruar këtë verë nga RB Leipzig për 17 milionë, ka qenë ‘spiranca’ që balancon mbrojtjen dhe sulmin. Pra, ai është lojtari i gjashtë që ka bërë më shumë ndërhyrje dhe i treti që ka kompletuar më shumë (9).

Çmimi në Transfermarkt: 17 milionë

Azzedine Ounahi (Marok)

Fjalët e Luis Enrique flasin më së miri për mesfushorin 22-vjeçar të Angers. “Zoti im!!! Nga erdhi ai djali? Ai luan shumë mirë dhe nuk ka pushuar së vrapuari”, ka thënë Enrique. Kundër Spanjës ishte lojtari që përfundoi më shumë kilometra (14.71). Ai ishte gjithashtu lojtari i dytë maroken që kishte rikuperuar më shumë topa (9), i dyti që përfundoi me sukses më shumë goditje, i dyti që fitoi më shumë duele (7).

Çmimi në Transfermarkt: 3.5 milionë

Sofyan Amrabat (Marok)

Vazhdojmë me ‘xhelatin’ e Spanjës në raundin e 1/8-tës. 26-vjeçari i Fiorentinës tashmë kishte mundësinë të shkonte te Tottenhami në merkaton e verës, siç zbuloi vëllai i tij Nordin, ish-lojtar i Leganes dhe Malaga . Amrabat ‘hëngri’ Pedrin, Gavin dhe Busquetsin siç kishte bërë më parë me Modric dhe De Bruyne. Vendosja dhe aftësia e tij për t’u rikuperuar është një nga ‘çelësat’ që Maroku të ketë pranuar vetëm një gol në “Katar 2022”. “Ai është mbrojtësi ynë i parë dhe sulmuesi ynë i parë”, rrëfen Regragui. Liverpooli e ka në agjendën e tij. Thonë se çmimi i saj është rritur në 30 milionë euro.

Çmimi në Transfermarkt: 10 milionë

Mohamed Kudus (Gana)

Lojtari i gjithanshëm i Ajaxit mund të luajë si ‘9 fals’ – kishte përfunduar tashmë një fillim të shkëlqyer të sezonit: shënoi 10 gola në 21 ndeshje, katër në Ligën e Kampionëve. Në moshën 22 vjeçare, Kudus sheh majat. “Unë shoh Kudus duke luajtur në një klub të madh si Real Madrid apo Barça”, siguroi shoku i tij i skuadrës Inaki Williams. Eliminimi i Ganës në fazën e grupeve nuk e pengoi Kudus të shkëlqejë: ai udhëhoqi fitoren ndaj Koresë së Jugut (2-3) me dy gola dhe detyroi penalltinë që Andre Ayew humbi në disfatë ndaj Uruguait (0-2).

Çmimi në Transfermarkt: 15 milionë

Enzo Fernandez (Argjentinë)

Është Enzo Fernandez që hyn në skenë dhe çmimet automatikisht ngrihen në qiell. Ish-lojtari i River Plate, i cili mbërriti te Benfica këtë verë për 12 milionë euro, do të jetë një nga transferimet e mëdha verën e ardhshme. Ose edhe këtë dimër. Flitet se shitja e tij mund të shkojë deri në 80 milionë. Ai është alternativa që Real Madridi menaxhon në rast se nënshkrimi i Jude Bellingham dështon. Në moshën 21-vjeçare, ai ka hyrë në mesfushën e ‘Albiceleste’ së bashku me një tjetër futbollist që mund të ishte në këtë listë. Alexis Mac Allister. Enzo shpërtheu në Kupën e Botës me një gol të mrekullueshëm kundër Meksikës (2-0) dhe duke bërë një pasim të shkëlqyer për golin e Julian Alvarez kundër Polonisë (0-2).

Çmimi në Transfermarkt: 35 milionë

Goncalo Ramos (Portugali)

‘Bomba’ e Kupës së Botës. Fernando Santos e vendosi titullar atë në fitoren ndaj Zvicrës (6-1) në fazën e 1/8-tës dhe 21-vjeçari i Benfica u përgjigj me stil, pasi që nga Miroslav Klose (2002) asnjë lojtar nuk ka debutuar në Kupën e Botës me një ‘het-trik’. Këtë verë kanë marrë tashmë ‘këngë sirenë’ nga PSG… por Benfica për më pak se 60 milionë euro nuk lëviz.

Çmimi në Transfermarkt: 24 milionë

Cody Gakpo (Holandë)

Standardet e tij në Eredivisie ishin të mëdha. Ai është i vetmi lojtar në ligat kryesore që mund të konkurrojë në prodhimin e golave ​​me Erling Haaland. Këtë sezon ai ka marrë pjesë në 30 gola: ka shënuar 13 dhe ka shpërndarë 17 asistime me PSV. Gakpo ishte më i mira e Holandës në fazën e grupeve. Gjithçka që preku u kthye në gol: shënoi tre gola me katër goditje në portë.

Çmimi në Transfermarkt: 45 milionë

Josko Gvardiol (Kroaci)

‘Njeriu me maskë’… prej çeliku është ‘grada’ më e lartë në listën e Marcas. Ata nuk ishin aq të mirë në 1/8-tën kundër Japonisë… por ata përfunduan një fazë të shkëlqyer në grupe. Qendërmbrojtësi 20-vjeçar i RB Leipzig ishte i pathyeshëm nga lart, nga poshtë dhe niste aksionet e ekipit kombëtar. “Transferimi i tij do të shkojë mbi 100 milionë”, ka thënë ish-trajneri i tij te Dinamo Zagreb, Igor Jovicevic. RB Leipzig tashmë ka refuzuar një ofertë prej 80 milionë euro nga Chelsea në verë.

Çmimi në Transfermarkt: 60 milionë

/Telegrafi/