Viti i Ri është periudha për t’i rifreskuar perspektivat dhe për të bërë plane për ta përmirësuar veten në muajt në vijim.
Mirëpo, për dashamirët e serialeve, viti 2019 sjell fundin e disa prej realizimeve shumë të pëlqyera televizive. Ndërkohë që pritet të shihet nëse në të ardhmen do të vendoset për sezone të tjera apo do të xhirohen filma të bazuar në këto seri.
Më poshtë, Telegrafi jua sjell listën e serialeve që do të përfundojnë në vitin 2019:
Game Of Thrones
Pak seriale televizive kanë pasur aq ndikim në botë sikur “Game Of Thrones”. Një serial që definon epokën e artë duke i vënë karakterët Jon Snow e Ned Stark në të njëjtin nivel me karakterët e “Harry Potter” dhe “Lord Of The Rings”.
Sezoni i tetë dhe i fundit që do të transmetohet në prill, do të tregojë se kush do ta marrë ‘fronin e hekurt’. Derisa sezoni i shtatë ka pasur disa zgjedhje të diskutueshme narrative, në vitin 2019 pritet të ndodhë spektakli më i madh në ekranet e vogla, i cili njëherësh edhe do të përmbyllet.
The Big Bang Theory
Publiku është i ndarë në lidhje me ndikimin e komedisë televizive “The Big Bang Theory”, mirëpo nuk mund të mohohet suksesi i madh këtij seriali të shumë pëlqyer.
Në maj të 2019 do t’i vijë fundi edhe këtij seriali pas 12 sezonesh emetimi, ndërsa dashamirët e kësaj komedie nuk do ta shohin më aktorin Jim Parsons në rolin e Sheldon Cooper.
Gotham
I realizuar nga Bruno Heller, “Gotham” e ka pozicionuar veten si një prej serialeve ‘spin-off’ më të pëlqyera të Batmanit.
Sezoni i pestë dhe i fundit fillon në janar dhe pritet të jetë po ashtu shumë i suksesshëm, ndërkohë që sjell edhe fundin e karakterëve negativë, si Penguin e Riddler.
Në këtë mënyrë po i lë hapësirë realizimit të një tjetër seriali ‘spin-off’ që po vjen po ashtu nga Heller dhe është i bazuar te shërbyesi i Batmanit, Alfred Pennyworth.
A Series Of Unfortunate Events
Një prej serialeve më të nënvlerësuar në koleksionin e Netflix, po përfundon pas sezonit të tretë, në të cilin do të adaptohen librat e fundit nga seritë e Lemony Snicket.
Dy sezonet e para përfaqësojnë dy prej ekranizimeve më të pëlqyeshme familjare që mund t’i gjeni në këtë platformë, me shndërrimin e shkëlqyeshëm të Neil Patrick Harris në Count Olaf.
Unbreakable Kimmy Schmidt
Kimmy, Titus, Jacqueline dhe Lillian do të shfaqen për herë të fundit nga muaji janar, kur do të fillojë pjesa e dytë e sezonit të katërt të serialit “Unbreakable Kimmy Schmidt” në Netflix.
Megjithatë, ky mund të mos jetë përfundimi i përhershëm i karkaterëve, duke qenë se është duke u planifikuar edhe një film që mund të xhirohet në të ardhmen.
Transparent
Pas largimit të Jeffrey Tambor, si pasojë e akuzave për keqtrajtim seksual, “Transparent” do të rikthehet me sezonin e pestë dhe të fundit, pa yllin kryesor.
Veep
Sezoni i shtatë dhe final i “Veep” do të vijë në pranverë dhe do të përbehet vetëm nga shtatë episode. Seriali me ekipin politik është bërë i pëlqyeshëm nga kritikët, ashtu që Tony Hale i ka fituar dy çmime Emmy deri më tani.
Mr Robot
Pas suksesit të madh me filmin “Bohemian Rhapsody” (ku interpreton frontmenin legjendar të “Queen” Freddie Mercury), Rami Malek do t’i kthehet rolit të tij televiziv në “Mr Robot” për sezonin e katërt dhe të fundit.
Aktori 37-vjeçar luan rolin e hakerit Elliot Alderson, i cili është rekrutuar nga misteriozi Mr Robot që e luan Christian Slater.
Shadowhunters
Gjysma e dytë e sezonit të tretë dhe të fundit të “Shadowhunters” do të nisë emetimin më muajin shkurt dhe do të përbëhet nga 12 episode duke përfshirë edhe finalen dypjesëshe.
Crazy Ex-Girlfriend
Episodet finale të sezonit të katërt të “Crazy Ex-Girlfriend” do të emetohen në vitin 2019, duke sjellë përfundimin e një kombinimi kinetik të muzikës origjinale, komedisë dhe temave të sëmundjeve mendore.
Me Rachel Bloom dhe Vincent Rodriguez në rolet kryesore, seriali është bërë shumë i pëlqyeshëm.
Homeland
Pas shtatë sezonesh, “Homeland” po përfundon me sezonin e tetë final në qershor 2019, pasi i ka fituar tetë çmime Emmy he pesë Golden Globe deri më tani.
Jane The Virgin
Pas gjuajtjeve dramatike dhe arritjes së karakterit që e ka ndryshuar lojën, “Jane The Virgin” po përfundon me shumë dyshime.
Gina Rodriguez shfaqet në rolin e Jane në serialin satirik, i cili do të përfundojë me sezonin e pestë në vitin 2019.
Orange Is The New Black
Pas përfundimit të “House Of Cards” në vitin 2018, Netflix po i jep fund edhe një tjetër seriali origjinal.
Është fjala për dramën “Orange Is The New Black” që do të vijë me sezonin e shtatë dhe final duke iu dhënë fund ngjarjeve në burgun Litchfield.
Broad City
Seriali i popullarizuar i Abbi Jacobson dhe Ilana Glazer do të përfundojë në janar 2019. Ky serial fillimisht kishte nisur me një transmetim në internet, ndërsa në vitin 2014 u mor nga Comedy Central.
The Affair
Pas sezonit të katërt dramatik, në të cilin u vra një prej karakterëve kryesorë, “The Affair” do të rikthehet me sezonin e pestë dhe final, dhe do të përfundojë gjatë vitit 2019.
Poldark
Pas katër sezonesh, seriali “Poldark” i Debbie Horsfield do të vijë me edicionin e pestë dhe të fundit që do të mbyllet gjatë vitit 2019.
/Telegrafi/
Lufta Prigozhin - Putin
Më shumëNga Rubrika
Kim Kardashian fajëson ish-bashkëshortin e saj Kanye West, për ndarjen nga i dashuri futbollist Odell Beckham Jr
Rike Roçi ‘nxjerr zbuluar’ produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia
“Pirates of the Caribbean” do të rikthehet me pjesën e gjashtë, por pa aktorin ikonik Johnny Depp
Kim Kardashian fajëson ish-bashkëshortin e saj Kanye West, për ndarjen nga i dashuri futbollist Odell Beckham Jr
Rike Roçi 'nxjerr zbuluar' produksionin e BBVA, tregon se ka komunikuar me nënën dhe motrën e saj pasi ka kërkuar të dalë nga shtëpia
Dani Alves me festë "të çmendur" në vilën e tij milionëshe në Barcelonë pasi u lirua nga burgu
Geti dhe Ledri lënë pas mosmarrëveshjet, publikojnë pamje nga xhirimet e klipit për bashkëpunimin që po e sjellin pas 12 viteve
Artisti Ledri Vula merr dhuratë nga KFOR-i
Artistët e Filharmonisë së Kosovës mbajnë koncert spontan në aeroport, vizitorët kënaqen nën tingujt e "Unë biri yt Kosovë"
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes