LAJMI I FUNDIT:

Nga Cech deri te Perisic: Futbollistët me talente të fshehura

Nga Cech deri te Perisic: Futbollistët me talente të fshehura

Shumicën e kohës futbollistët e kalojnë duke punuar që të jenë sa më të mirë në fushën e blertë.

Por, për një pjesë i gjithë fokusi i tyre nuk është vetëm futbolli, ata kanë edhe talente tjera.

Disa prej tyre janë të mirë në muzikë, por edhe në sporte tjera, më poshtë kemi përmbledhur disa:

Petr Cech – Baterist

Aktualisht ylli i Arsenalit nuk e ka fshehur asnjëherë pasionin e tij për muzikën, ai shpesh herë ka shpërndarë video teksa i bie baterive. Ish-portieri i Chelseat është fans i madh i Dave Grohl.

Clint Dempsey – Reper

Tifozët e Përfaqësueses së Shteteve të Bashkuara të Amerikës dhe klubeve që Dempsey ka luajtur i referohen me emrin ‘Deuce’, emri i tij skenik. Amerikani është mjaft i njohur, ai ka realizuar disa këngë.

Manuel Akanji – Matematicien

Manuel Akanji nuk është i mirë vetëm në fushën e blerë me Borussia Dortmundin dhe Përfaqësuesen e Zvicrës, por edhe në matematikë. Ai është shumë i mirë me numra dhe këtë e ka treguar në një televizion zviceran, ku befasoi të gjithë.

Shane Long – Kitarist/Këngëtar

Tashmë është shndërruar në traditë se kur një lojtar i bashkohet një skuadre, ai duhet të këndojë para gjithë ekipit në takimin e parë. Për shumicën e lojtarëve kjo është paksa problem, por jo edhe për Long.

Hal Robson-Kanu – Sipërmarrës i kripto-valutave

Larg nga fusha, një nga heronjtë e Përfaqësueses së Uellsit në ‘Euro 2016’, Hal Robson-Kanu, një pjesë të kohës së tij e kalon duke eksploruar botë e teknologjisë blockchain dhe kripto-valutat.

“Jo shumë njerëz e kuptojnë teknologjinë blockchain. Është sikur të tentosh të shpjegosh si punon interneti. Më mirë ta shikojmë prapë atë gol?”, kishte thënë Robson-Kanu për Independent.

Tomas Rosicky – Kitarist

Shpesh herë sportistët shfrytëzojnë kohën kur janë të lënduar për të ushtruar talentet e tyre. Dhe një nga ata mund të jetë Rosicky, i cili në kohën sa ishte pjesë e Arsenalit kaloi në një periudhë lëndimesh. Vlen të theksohet se ylli i Republikës së Çekisë një herë kishte përformuar me bendin Tri Sestry.

Daniel Agger – Artist tatuazhesh

Shumica e lojtarëve të futbollit modern janë të dashuruar me tatuazhet dhe ish-ikona e Liverpoolit është një nga ata. Por, për dallim nga shumica, danezi ka aftësi edhe të realizojë tatuazhe.

Sandro – Kitarist/Këngëtar

Braziliani ishte i hekur në fushë, por me një karakter ndryshe jashtë saj. Ai ishte i preferuari i tifozëve dhe i bashkëlojtarëve me atmosferën që krijonte.

David Luiz – Magjistar

Magjik në fushë kur ka topin në këmbë, por edhe jashtë saj me duar ku është puna të trikat magjike. Në 2016, braziliani kishte befasuar shokët e skuadrës në zhveshtore pas një ndeshje të Chelseat.

Andrey Arshavin – Stilist

“Kam projektuar disa veshje”, kishte zbuluar rusi në vitin 2009, kur ishte pyetur për jetën e tij të dyfishtë si stilist rrobash për gra. Ai edhe këndon, por jo si Shane Long.

Alexis Sanchez – Pianist

Manchester Unitedi njoftoi transferimin e Sanchezit me një video teksa kiliani luante me piano, në fillim dukej si shaka, por në të vërtetë Alexis e zotëron mjaft mirë pianon.

Ivan Perisic – Lojtar i volejbollit në rërë

Nuk ka shumë lojtarë që e kanë përfaqësuar vendin e tyre në dy sporte, por Perisic është njëri nga ata. Në vitin 2017 ai përfaqësoi Kroacinë në një garë volejbolli. 29-vjeçari ishte mjaft i mirë në rërë, ashtu si në fushën e blertë. /Telegrafi/

Në trend Sport

Më shumë
Reagon babai i Olti Hysenit, pas deklaratës 'bombastike' të lojtarit të talentuar

Reagon babai i Olti Hysenit, pas deklaratës 'bombastike' të lojtarit të talentuar

Përfaqësuesja e Kosovës
Zbulohet emri i vërtetë i Kylian Mbappes - ka lënë të shokuar fansat e tij

Zbulohet emri i vërtetë i Kylian Mbappes - ka lënë të shokuar fansat e tij

Ligue 1
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Një minutë në fushë kushton 2 milionë euro – dështimi më i madh i Chelseat nga blerjet e fundit

Një minutë në fushë kushton 2 milionë euro – dështimi më i madh i Chelseat nga blerjet e fundit

Premier League
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Kalimi te Real Madridi nuk ka të bëjë me paratë: Zbulohet pasuria neto e Kylian Mbappes

Ligue 1
Kalo në kategori