“Nëse nuk do t’i ndodhte kjo gjë Mbappes, ai do të kishte shkuar te Real Madridi dy vjet më parë” – befason agjenti i Ferland Mendyt

Situata e Kylian Mbappes vazhdon të japë shumë për të folur. Nëse ai do të mbetet në PSG, nëse do të largohet apo nëse mund ta kishte bërë këtë në të kaluarën.

Kjo është pikërisht ajo që Yvan Le Mee, agjenti i Ferland Mendyt, ndër të tjera, iu referua në programin After Foot të RMC.

Agjenti beson se lojtari i PSG-së duhet të ketë një përfaqësues, në vend që t’i lërë të gjitha marrëveshjet në duart e nënës së tij Fayza Lamari.

“Nuk është puna e saj, ajo nuk ka aftësi për të vepruar. Unë doja të hapja një restorant, por nuk di të gatuaj, kështu që nuk e bëra. Për një moment, vetëm duhet të jesh në realitet dhe bëni atë që dini të bëni”, ka thënë Le Mee.

“Për të menaxhuar për djalin e saj dhe lojtarët e tjerë, ajo duhet të ketë një licencë”.

Në fakt, Le Mee beson se e ardhmja e Mbappes do të kishte qenë shumë ndryshe nëse ai do të ishte në duart e një përfaqësuesi tjetër.

“Jam i bindur se nëse ai (Mbappe) do të kishte pasur një agjent në kohën e negociatave me Real Madridin dy vjet më parë, ai do të kishte shkuar atje ”, ka shtuar ai.

“Kur nuk i ke kodet, kur nuk i ke zakonet, kur flet me drejtuesin e një klubi historik sikur të flasësh me dikë që e njeh prej kohësh, ndoshta gabon. Nuk funksionon. Ndoshta ju nuk dini si ta trajtoni situatën për të arritur atje. Ai është ende në Paris dhe padyshim nuk duket i lumtur që është atje”, ka vazhduar Le Mee. /Telegrafi/