Nëna e Gigi Hadid, Yolanda Hadid, pretendoi se Zayn Malik ngriti duart ndaj saj dhe po mendon ta çojë çështjen në polici.
Malik, babai i vajzës së Gigit, Khai, u përgjigj përmes një statusi në Twitter dhe tha se ai “ka pranuar të mos kundërshtojë pretendimet që lindin nga një debat” dhe pretendon se incidenti nuk përfshin asgjë më shumë se një shkëmbim “fjalësh të ashpra”, shkruan DailyMail.
Yolanda e njohur ndryshe si vjehrra e këngëtares shqiptare, Dua Lipa, pohon se javën e kaluar këngëtari 28-vjeçar e sulmoi atë fizikisht dhe ajo po mendon të paraqesë rastin në polici për sulmin e supozuar, raportoi TMZ.
“Unë e mohoj me vendosmëri sulmin e Yolanda Hadid dhe për hir të vajzës sime refuzoj të jap ndonjë detaj të mëtejshëm dhe shpresoj që Yolanda do të rishqyrtojë akuzat e saj të rreme dhe do të shkojë drejt rikuperimit të këtyre çështjeve familjare në mënyrë private”, tha këngëtari Malik në statusin e tij.
DailyMail kontaktoi përfaqësuesit për media të Yolandës dhe Gigit, të cilët deri më tani nuk kanë qenë të disponueshëm për ndonjë koment mbi çështjen në fjalë.
Megjithatë, një përfaqësues i Gigit i tha E! News: “Gigi është e fokusuar vetëm në më të mirën për Khai-n. Ajo kërkon privatësi gjatë kësaj kohe”.
Në përgjigjen e këngëtarit Malik në Twitter, ai pohoi se incidenti u shkaktua nga përpjekjet për të “mbrojtur një hapësirë të sigurt” për Khai-n një vjeçare.
Ai hodhi gjithashtu dyshime për marrëdhënien e tij me Gigin, pasi tha në deklaratë se ata do të ‘jenë bashkë prindër’ për vajzën e tyre, duke sugjeruar se ata mund të mos jenë së bashku në këtë moment.
— zayn (@zaynmalik) October 28, 2021
“Siç e dini të gjithë unë jam një person privat dhe dua shumë të krijoj një kasafortë të sigurt dhe private për vajzën time ku të rritet”, filloi Malik letrën e tij. Një vend ku çështjet private të familjes nuk hidhen në skenën botërore që të gjithë t’i zgjidhin dhe t’i veçojnë.
“Në përpjekje për të mbrojtur atë hapësirë për të, unë pranova të mos i kundërshtoja pretendimet që lindin nga një debat që pata me një anëtar të familjes së partneres sime, e cila hyri në shtëpinë tonë ndërsa partnerja ime ishte larg disa javë më parë”, shkroi ai.
“Kjo ishte dhe ende duhet të jetë një çështje private, por duket se tani për tani ka përçarje dhe pavarësisht përpjekjeve të mia për të na rikthyer në një mjedis familjar paqësor që do të më lejojë të bashkë-prindëroj vajzën time në mënyrën që ajo e meriton, është “rrjedhur” në shtyp”, shkroi tutje Malik.
Ai shtoi: “Megjithatë shpresoj që të rikuperohet për të gjithë të përfshirët me fjalët e ashpra të ndara dhe më e rëndësishmja, unë mbetem vigjilent për të mbrojtur Khai-n dhe për t’i dhënë asaj privatësinë që i nevojitet”.
Zayn dhe Gigi patën një lidhje të dytë, duke filluar në vitin 2015, dhe ata rindezën romancën e tyre pak para se modelja 26 vjeçe, të njoftonte se ishte shtatzënë me fëmijën e tyre të parë në pranverën e vitit 2020.
Zayn kishte blerë një shtëpi në Pensilvani jo larg vendit ku banon Yolanda, ku ai dhe Gigi rrisin Khai-n gjysmën e kohës.
Në deklaratën e tij, ai dukej se thoshte se ndjente se privatësia e tyre ishte pushtuar, duke shkaktuar grindje mes tij dhe Yolandës – megjithëse ai kurrë nuk e përmendi me të drejtë emrin e saj.
Menjëherë pasi pretendimet e Yolandës u bënë publike, ylli u pa duke shkuar për një shëtitje në Soho, jo shumë larg ‘penthouse’-it të Gigit.
Ajo mbante një bagazh të madh dhe u pa e veshur në të zeza.
Deri më 28 tetor, një raport i policisë nuk u dorëzua pavarësisht se burimet thanë se ishte ‘prirja’ e saj për të paraqitur një të tillë.
Këngëtari i lindur në Britani ka pasur një sërë shpërthimesh të dhunshme në të kaluarën, por asnjë që përfshin anëtarët e familjes Hadid deri në këtë incident të supozuar.
Në qershor, ai hyri në një konfrontim jashtë një bari në lagjen East Village të qytetit të New Yorkut.
Një klient i zhurmshëm i barit u përpoq të grindet me të dhe drejtoi fjalë fyese ndaj Zaynit teksa ai pinte një cigare jashtë pranë Klubit të Bilardos në Amsterdam. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Ndihmë, ndihmë”- publikohet videoja konfliktuoze e këngëtares Maya dhe bashkëshortit të saj në banesë, momenti kur mbërrin policia
Dua Lipa zbulon këmbët e saj të tonifikuara në një paraqitje tejet elegante në New York City
“A nuk kishe frikë prej meje”, Heidi i kthehet keq Liamit: Mos mu afro se do bëj namin
Luka Modric bleu një apartament luksoz në Zagreb - aty ku pritet të kthehet për të jetuar
"O Bes Kallaku", reagimi epik i Xhensilës kur fansat i përmendin ish-partnerin në koncert
“Ndalu dhe kërko falje”, babai i Rita Orës shpërndan momentin kur presidentja Osmani e përballi Vuçiqin me të vërtetën në OKB
Dua Lipa zbulon këmbët e saj të tonifikuara në një paraqitje tejet elegante në New York City
Gjysmë shekulli karrierë, Ministri i Kulturës Hajrulla Çeku me fjalë të mëdha për Ramadan Krasniqin
“Çka më kanë parë sytë” - Pas largimit nga Big Brother VIP Albania, Jetmir Salaj kërcënon produksionin se do të zbulojë sekrete?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën