Nën ndikimin e alkoolit, shoferi përplasi Lamborghinin e tij – rruga në Hollywood dukej si një ‘zonë lufte’!

Një shofer i një Lamborghini Urus u arrestua pas një aksidenti të rëndë automobilistik që ndodhi në Hollywood javën e kaluar, në të cilin u plagosën tre persona.

Se si shoferi arriti të humbasë kontrollin mbi makinën rreth orës 2:30 të mëngjesit të së shtunës së kaluar në mëngjes mbetet e paqartë.

Por pamjet tregojnë një Urus portokalli në një gardh çeliku që rrethon oborrin e një poste, dhe përveç kësaj, linjat e energjisë dhe disa pemë në vend që u rrëzuan nga përplasja, përcjell Telegrafi.

View this post on Instagram

A post shared by LAPD Hollywood Division (@lapdhollywood)

Oficeri i policisë Tony Im konfirmoi se shoferi u arrestua nën dyshimin se po voziste nën ndikimin e alkoolit.

Raportet ndryshojnë rreth asaj se sa pasagjerë të Urus u lënduan.

Ndërsa disa thonë se dy persona u transportuan në spital, të tjerë theksojnë se ata janë tre.

Fatmirësisht, asnjë nga të lënduarit nuk e pësoi me jetë.

“Shpejtësia e madhe + shofer i dehur + 2 i mëngjesit = një kombinim që mund të kishte çuar në një rezultat jashtëzakonisht tragjik. Për fat, të gjithë pasagjerët kaluan vetëm me lëndime të lehta. Shoferi u arrestua pasi drejtonte automjetin nën ndikimin e alkoolit. Krejtësisht e papranueshme”, citohet të ketë shkruar Departamenti i Policisë në Los Angeles në rrjetet sociale.

Dhe për fund, duket se Urus do të përfundojë në mbeturina. Fotografitë tregojnë airbag të aktivizuar, një xham të thyer dhe të dy anët e makinës janë dëmtuar rëndë. /Telegrafi/