LAJMI I FUNDIT:

Në pritje të drejtorit të ri, ekspertët thonë se politika duhet t’i largojë duart nga Policia e Kosovës

Në pritje të drejtorit të ri, ekspertët thonë se politika duhet t’i largojë duart nga Policia e Kosovës

Përfshirja e zyrtarëve policorë në afera korruptive dhe në abuzim të detyrës zyrtare sipas ekspertëve të fushës së sigurisë duhet të jenë një ndër shqetësimet kryesore të cilitdo zyrtar që do të vijë në pozitën e drejtorit të Policisë së Kosovës.

Dy policë që po e hetonin një rast në Kllokot dyshohet se e kanë keqpërdorur detyrën zyrtare.

Qytetari ka raportuar se në deklaratën e tij policët nuk e kanë përfshirë kërcënimin që ka marrë nga një zyrtar i lartë i komunës së Kllokotit.

Me rekomandim të Inspektoratit zyrtarët e përfshirë si të dyshuar në këtë rast janë suspenduar.

Mbi dyshimin për kanosje IPK ka rekomanduar suspendim edhe për një polici tjetër në Fushë Kosovë.

Pikërisht integriteti sipas Kreshnik Gashit nga “Birn” është fusha që më së shumti duhet të punojë drejtori që do të vijë në krye të Policisë.

“Integriteti, po flas këtu për numrin e madh të policëve të cilët janë duke rënë ndesh me ligjin janë duke u hasur në afera korruptive e po ashtu janë duke abuzuar me pozicionin zyrtar. Pra trendet e arrestimeve dhe keqpërdorimit të detyrës zyrtare prej Policisë së Kosovës janë duke u rritur”, ka thënë Kreshnik Gashi, Birn.

Gazetari hulumtues, Kreshnik Gashi

Njësitet kundër trafikimit me qenie njerëzore dhe anti-droga sipas tij janë fushat që ka regres.

Megjithatë gjendje kritike për Gashin mbizotëron edhe në njësitin e krimeve ekonomike.

“Kritikën më të madhe e kam tek performanca e krimeve ekonomike, që janë njësia më e dështuar në Policinë e Kosovës. Kjo për shkak se këto njësi ende nuk kanë mbërri me i zhvillu kapacitetet e veta dhe me pasë vullnet me e luftu korrupsionin gjigand i cili konstatohet në vendin tonë. Krimet ekonomike merren me pare të imëta kisha me e quajt edhe me raste të vogla të korrupsionit”, ka  shtuar Gashi.

Pikërisht për një rast që po vlerësohet se Policia ka dështuar të bëjë punën ka dhënë dorëheqje drejtori, Samedin Mehmeti.

Bëhet fjalë për dyshimet për dhunimin e një të miture 11 vjeçare në Prishtinë. Në vend të Mehmetit U.d. është zgjedhur, Fehmi Hoti.

Përzgjedhja e drejtorit të ri bëhet nga komisioni që themelohet nga Ministria e Brendshme. Kur nis ky proces nuk dihet, por me përvojën e të kaluarës njohës të sigurisë thonë se zakonisht drejtorët kanë qenë të ndikuar politikisht.

“Unë tek asnjë drejtor nuk kamë parë që e neglizhojnë punën por ata kanë qenë komplet të dirigjuar nga politika. Kjo mendoj që nuk është e shëndetshme dhe nuk i bënë mirë institucionit që ai e drejton”, ka theksuar Avni Islami, njohës i çështjeve të sigurisë.

Avni Islami, njohës i çështjeve të sigurisë

Pos kësaj Islami ka thënë se duhet të punohet më shumë në përmirësimin e kushteve të punës, pasi që policia e Kosovës e ka dëshmuar vazhdimisht se është ndër më të mirat në rajon me policët më të aftë./RTV Dukagjini/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori