Në mediat sociale po qarkullon një mesazh, thuhet se ishte i sulmuesit që la disa të vdekur në Pragë të Çekisë

Republika Çeke ka përjetuar të shtënat masive më të rënda në histori.

Siç edhe është raportuar, sulmuesin që u mori jetën të paktën pesëmbëdhjetë personave fillimisht vrau babanë e tij, pastaj shkoi në shkollë ku vazhdoi të vriste.

Dhe kështu shkaktoi masakrën më të madhe në historinë e Republikës Çeke.

Bëhet fjalë për një 24-vjeçar që thuhet se studioi në Fakultetin e Arteve të Universitetit të Charles në Pragë, përcjell Telegrafi.

🚨𝐁𝐑𝐄𝐀𝐊𝐈𝐍𝐆🚨𝐏𝐫𝐚𝐠𝐮𝐞 𝐔𝐧𝐢𝐯𝐞𝐫𝐬𝐢𝐭𝐲 𝐔𝐩𝐝𝐚𝐭𝐞.

This is a message from the apparent perp of the shooting at Prague University. His name is David Kozak. I am unable to 100% verify this but this is an update I have for you. As soon as I get more information on… pic.twitter.com/UWiU2yrbYJ

— Right Angle News Network (@Rightanglenews) December 21, 2023

Vitin e kaluar ka përfunduar studimet bachelor në degën Histori – Studime Evropiane.

Ndërkohë në rrjetet sociale ka filluar të qarkullojë një mesazh i cili supozohet të jetë i tij dhe për të cilin kanë filluar të shkruajnë edhe mediat vendase.

Me sa duket ai deklaroi në Telegram një javë më parë se do të kryente një sulm.

Postimi, autenticiteti i të cilit nuk është verifikuar, është parë nga qindra njerëz.

“Dua të qëlloj në shkollë dhe ndoshta të bëj vetëvrasje, më ka ndihmuar shumë Alina Afanaskina. Gjithmonë kam dashur të vras, kam menduar se në të ardhmen do të bëhem maniak…”, dyshohet se ka shkruar sulmuesi në Telegram.

Ai i referohej nxënëses Alina Afanaskinová, sulmueses në shkollën Bryansk më 7 dhjetor.

Dy persona vdiqën dhe të tjerë u plagosën në sulmin e saj. Më pas ajo kreu vetëvrasje.

Ai supozohet se u frymëzua gjithashtu nga të shtënat në një shkollë në Kazan, Tatarstan, Rusi, që ndodhi në maj 2021. Nëntë persona u vranë dhe më shumë se 20 u plagosën në sulm. /Telegrafi/