LAJMI I FUNDIT:

Më në fund zgjidhet debati për ‘GOAT’, tashmë ka një fitues të qartë

Më në fund zgjidhet debati për ‘GOAT’, tashmë ka një fitues të qartë

Drejtori i kërkimit apo i të dhënave brenda Liverpoolit, fizikani Ian Graham e ka zgjidhur me ndihmën e shkencës, debatin mbi ‘GOAT’ apo lojtarin më të madh të të gjitha kohërave mes Lionel Messit dhe Cristiano Ronaldos.

Pyetja e kahershme e futbollit vazhdon të zhurmojë gjithandej, me Graham që hedh një vështrim më të thellë në të dhënat e mbledhura dhe të analizuara, duke zbuluar një fitues të qartë.

Duke folur për një audiencë në Festivalin e Shkencës në Cheltenham këtë javë, ai emëroi ‘më të madhin e të gjitha kohërave’ përmes të dhënave.

“Është Messi”, zbuloi Graham para audiencës.

Messi dhe Ronaldo, të dy, pretenduan se janë më të mëdhenjtë e të gjitha kohërave pas rivalitetit të tyre legjendar në La Liga.

Ish-lojtari i Barcelonës dhe ish superylli i Real Madridit kanë shënuar më shumë se 800 gola dhe kanë fituar 76 trofe të mëdhenj të dy, duke përfshirë Kupën e Botës, të cilën Messi e ngriti në Katar.

Por, kur dy sulmuesit u renditën duke përdorur modele të sofistikuara për të vlerësuar kontributin e tyre më të gjerë në suksesin e ekipit të tyre përkatës, argjentinasi ishte qartësisht përpara rivalit të tij.

“Dallimi është se Messi është gjithashtu një mesfushor sulmues i klasit botëror. Shanset që ai krijon për shokët e tij të skuadrës janë një renditje e përmasave më të mëdha se Ronaldo”.

“Messi bën dy punë shkëlqyeshëm. Ronaldo e bën një punë shkëlqyeshëm. Ky është ndryshimi”, përfundoi fizikani anglez.

Efekti Messi – Inter Miami me rritje marramendëse të çmimit të biletës për ndeshjen e njëjtë pas transferimit të argjentinasit
Lexo po ashtu Efekti Messi – Inter Miami me rritje marramendëse të çmimit të biletës për ndeshjen e njëjtë pas transferimit të argjentinasit

35-vjeçari e rriti pretendimin e tij për statusin ‘GOAT’ pas heroizmave të tij në Kupën e Botës 2022. Ai fitoi çmimin e lojtarin më të mirë të turneut teksa luajti për ekipin e tij kombëtar të Argjentinës.

Shtatë herë fituesi i Topit të Artë njoftoi të mërkurën se po nënshkruante për skuadrën e Major League Soccer, Inter Miami, pas largimit të tij nga Paris Saint-Germain.

Ai do të luajë në Shtetet e Bashkuara, pasi ka shijuar të gjithë karrierën e tij profesionale në Evropë, me Barcelonën dhe PSG-në. /Telegrafi/