Në Argjentinë të gjithë e duan si startues, Messi ka fjalët të mëdha për të – Enzo Fernandez, djaloshi po çmend futbollin me paraqitjet e tij këtë vit
Mesfushori argjentinas Enzo Fernández ishte zëvendësues në dy ditët e para të Katarit 2022, por synon të jetë startues kundër Polonisë pasi firmosi golin e 2-0 ndaj Meksikës.
Rasti i Enzos është kurioz. Kur Lionel Scaloni mori detyrën si trajner (2018/19), i riu Enzo ishte ende në grupmoshat e River Plate, ku bëri debutimin e tij në vitin 2019 dhe kishte edhe një huazimi të suksesshëm te Defensa y Justicia (20/21).
Verën e kaluar, Benfica pagoi 18 milionë euro për të dhe vendosi një klauzolë prej 120 milionë.
Nuk dihet nëse është kaq, por çmimi i tij në treg është tashmë rreth 100 milionë pasi ishte lojtari më i kompletuar i Benficas para Kampionatit Botëror.
“Është një djalë me shumë personalitet, shumë i fokusuar”, na thotë dikush që e njeh shumë mirë.
Në moshën 21-vjeçare, ai ka një vajzë trevjeçare (Olivia) me Valentinën, të dashurën e tij që në adoleshencë.
Përkushtimi i tij ndaj futbollit është absolut. Kur nënshkroi për Benfican, mori fiziterpeutin personal nga Riveri, ku pagoi gjithçka për t’u kujdesur për të çdo ditë në Lisbonë.
Dhe në shtëpi, gjëja e parë që bëri ishte blerja e një palestre me gjithçka që i nevojitej për stërvitjet e tij.
Enzo është më i vogli nga pesë vëllezërit (dy prej tyre tifoz të Boca Juniors, çuditërisht) dhe vjen nga një familje shumë modeste nga San Martin, në zonën metropolitane të Buenos Aires.
Enzo tani po jeton ëndrrën që ka dashur gjithmonë: të shënojë një gol në një Kupë Bote. Gjithçka erdhi shpejt. Në fakt, ai bëri debutimin e tij në Kupën e Botës (kundër Arabisë) pa luajtur asnjë minutë të një ndeshjeje zyrtare me vendin e tij – ai u thirr në datat para Kupës së Botës në nëntor.
“Nuk më habit. E njoh, e shoh të stërvitet, jam përballur me të në Ligën e Kampionëve… Ai e meriton sepse është një djalë spektakolar, një lojtar i rëndësishëm, jam shumë i lumtur për të ”, ka thënë Leo Messi për mesfushorin.
Scaloni e sheh atë si një lojtar që ka “një marsh më shumë”.
Ai është në modë dhe sot gazeta ‘Ole’ ia ka kushtuar ballinën dhe ka kërkuar një vend titullari për të kundër Polonisë.
Nis një krahasim me Andres Iniestan në aspektin mendor, ndërsa shtohet se Benfica dhe Argjentina e dinë se kanë një diamant.
“Ne duhet të fillojmë ta shfrytëzojmë atë në këtë Botëror. Benfica do ta shfrytëzojë tashmë në verë me një transferim (në La Liga apo Ligën Premier) që do të jetë ‘100 milionë’.
Enzo i ri vazhdon të përmbushë ëndrrat e tij. /Telegrafi/
Lufta Prigozhin - Putin
Më shumëPublikohet biseda e gjyqtarit me dhomën e VAR-it për golin ‘fantazmë’ të Lamine Yamal
Bayerni shokon të gjithë me trajnerin i cili do ta drejtojë ekipin sezonin e ardhshëm
Ish-legjenda e Liverpoolit tregon trajnerin favorit për ta zëvendësuar Kloppin
Ancelotti i bën një premtim të madh Arda Gulerit mes pakënaqësive për mungesë minutash
Interi fiton derbin ndaj Milanit dhe shpallet matematikisht kampion i Serie A
Humbja nga Reali sjell diçka të mirë te Barcelona, Xavi merr vendimin e madh?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj