Ndihma për sportistë e artistë, ministrja Vlora Dumoshi: Na është thënë t’i gjejmë nga buxheti i MKRS
Sipas pakos emergjente, do të ketë 5 milionë euro si subvencionim shtesë të shoqatave sportive e kulturore të vendit pasi aktivitetet e tyre janë goditur nga pandemia COVID-19.
Sipas legjislacionit për sportin dhe financimin e federatave sportive, sportistëve dhe trajnerëve, Ministria e Kulturës, Rinisë dhe Sportit, Vlora Dumoshi, kohë më parë ka nënshkruar dy vendime që kanë të bëjnë me mbështetjen financiare të federatave sportive, sportistëve dhe trajnerëve.
Mirëpo ndihma ende nuk është shpërndarë. Këtë e konfirmoi ministrja Vlora Dumoshi e cila në një intervistë për KosovaPress u shpreh se ditë më parë ka pranuar një letër nga ministri i Financave dhe Transfereve, Bensik Bislimi ku i është kërkuar që për këto pako fondet të merren nga buxheti i ministrisë të cilën ajo e udhëheq.
Dumoshi: Na është thënë se fondet për pakon emergjente të merren nga buxheti i MKRS-së
“Tash në këtë kohë ka ndërruar edhe situata, u bë edhe mocioni pra rënia e qeverisë. Buxhetin e Kosovës e miraton Parlamenti i Kosovës, dhe çdo ndryshim i buxhetit, sepse ky është ndryshim i madh sepse një pjesë e madhe duhet të shkojë nëpërmes parlamentit të Kosovës që do të miratohet. Ministri i Financave me të cilin kemi pasur komunikime dhe në shumë pyetje të cilat iu kam drejtuar është përgjigjur, ku edhe e falënderoj, para 10 dite na ka dërguar një letër dhe ka thënë se e vetmja mundësi është që vetëm brenda ministrisë, në kuadër të buxhetit të ministrisë që t’i gjeni ato të holla për këtë pjesën emergjente. Si ministre për Kulturë, Rini dhe Sport kur e kam marrë ministrinë kam gjetur 3,800,700 euro obligime të cilat nuk kanë qenë të paguara”, u shpreh Dumoshi.
Ajo deklaroi se për artistët dhe personalitet e tjera të kulturës është duke u krijuar një databazë ku edhe në bazë të saj do ndahet mjetet në mënyrë të barabartë për të gjithë, mirëpo të gjithë duhet të jenë të regjistruar në MKRS.
Dumoshi: Të gjithë përfituesit duhet të jenë të regjistruar në MKRS
“Po tash federatat sportive ju e dini që janë të rregulluara shumë mirë. Kemi fat dhe është mirë, është më lehtë, është Komiteti Olimpik janë të gjitha federatat e regjistruara, është një databazë që i dimë të gjithë ku janë. I kemi afër 33 mijë sportistë të cilët janë në fushë, dhe i dimë të gjithë, kurse për pjesën e skenës e pavarur, është pak më problem por shpresoj që shumë shpejt MKRS, me një projekt të cilin sot ka ardhur ka filluar të krijohet një databazë dhe ajo do të thotë shumë mirë, kur i kemi ne të regjistruar. Por janë edhe disa kushte, disa rregullore që edhe artistët e pavarur edhe shoqatat e pavarura duhet të regjistrohen në Ministrinë e Kulturës dhe pastaj e kemi më lehtë të operojmë”, theksoi ajo.
Sipas Dumoshit, shpërndarja e parave do të jetë më e lehtë për federatat sportive, të cilat janë kategorizuar kohë më parë, dhe kështu ata do t’i pranojnë mjetet në bazë të kategorizimit që është bërë nga Komiteti Olimpik së bashku me MKRS-në.
Dumoshi: Do të mundohemi të jemi sa më të drejtë
“Sa i përket sportit, sporti me kategorizimin është bërë një punë e shkëlqyeshme, e cila me mburrje mund të them se as në rajon nuk është mbështetja e institucionit, pra e ministrisë që ju jep federatave sportive. Ne jemi ngut dhe këtë pjesën e parë për t’i ndihmuar e kemi ndarë, por kjo shkon në tri faza. Tash kur i gjejmë, ose kur e kemi 5 milionëshin sigurisht kjo do të shkojë edhe për sportin edhe për kulturën, por ne në ministri e kemi pjesën e rinisë edhe pjesën e trashëgimisë kështu që duhet në mënyrë shumë transparente dhe me grupe të cilën përfshihen njerëz jo vetëm të ministrisë por edhe të pavarur. Kështu që grupi i ministrisë është bërë, disa dokumente i kemi bërë, disa pyetësorë i kemi bërë dhe tash presim se kur do ta kemi thjesht një dritë të gjelbër dhe ta shpërndajmë këtë 5 milionëshin”, tha Dumoshi.
Kujtojmë se sipas pakos emergjente, do të rritet për 5 milionë euro buxheti i Ministrisë së Kulturës, Rinisë dhe Sportit, shumë kjo që do të përdoret për subvencionim shtesë të shoqatave sportive e kulturore të vendit./KosovaPress/
Lufta Prigozhin - Putin
Më shumëNga Rubrika
Arsenali bën gati 50 milionë euro për top mesfushorin e Real Sociedadit
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Tuchel e ka analizuar Real Madridin në detaje – por zbulon një shqetësim të madh para ndeshjes
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Pamje të reja nga përplasja e Salahut me Kloppin tregojnë saktësisht se çfarë ka ndodhur
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
Salah dhe Klopp përfshihen në një përplasje të furishme verbale – egjiptiani duhej të qetësohej nga Nunez
Tuchel e ka analizuar Real Madridin në detaje – por zbulon një shqetësim të madh para ndeshjes
Salah pyetet për përplasjen me Kloppin – jep një përgjigje të shkurtër, por të ashpër
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur