Biznesmeni austriak, i cili themeloi kompaninë e pijeve energjetike Red Bull, ka ndërruar jetë në moshën 78-vjecare.

Reklama

Dietrich Mateschitz që zotëronte 49 për qind të biznesit, ka lënë pas gruan Marion Feichtner dhe djalin Mark Gerhardter.

Mateschitz më 1972 është diplomuar në Universitetin e Ekonomisë dhe Biznesit të Vjenës, në drejtimin e Marketingut.

Ai punoi për Unilever përpara se të transferohej në Blendax, një kompani gjermane kozmetike në pronësi të Procter & Gamble.

Derisa udhëtonte jashtë vendit për në punë, Mateschitz zbuloi Krating Daengun, pijen e zhvilluar nga Chaleo Yoovidhya, e cila më vonë u bë Red Bull.

Miliarderi Mateschitz kishte blerë klubet e futbollit SV Austria Salzburg dhe MetroStars, duke i riemërtuar në Red Bull Salzburg dhe New York Red Bulls.

Reklama
Reklama

Po ashtu, ai ka themeluar ekipin e futbollit RB Leipzig më 2009 dhe është gjithashtu pronar i klubit gjerman të hokejit në akull EHC Munchen, duke ndryshuar emrin e tij në Red Bull München. /Telegrafi/