Filmi “Emoji Movie”, një komedi e animuar në 3D, ka fituar çmimin “Mjedra e Artë”, si filmi më i keq i vitit, i cili tradicionalisht jepet një ditë para gala mbrëmjes së Oscarëve.

Fondacioni “Mjedra e Artë” ka bërë të ditur që në 38 vjet ekzistence të kësaj ngjarje, e cila parodizon Oscarin, ka pohuar se filmi i lartcekur është më i keqi i të gjitha kohërave.

“Filmi është një humbje e madhe dhe riciklim i Hollywoodit për shkak të mungesës së origjinalitetit,” shkruan në arsyetimin e fondacionit, ku motoja e këtij viti është “Si të mbrojmë njerëzimin nga mbetjet toksike”.

Filmi fitoi katër çmimet kryesore, ku përfshihen skenari më i keq, regjia më e keqe dhe shfaqja më e keqe.

Tom Cruise fitoi titullin satirik të aktorit më të keq të vitit për rolin në “Mummy”. Për aktorin, i cili nuk ka fituar Oskar edhe pas tre nominimeve, ky ishte çmimi i dytë “Mjedra e Artë”.

Tyler Pery fitoi çmimin e aktores më të keq për “Boo 2! A Madea Halloween”, ndërsa Kim Basinger ka marrë një “Mjedër të Artë” për rolin e keq në filmin “Fifty Shades of Darker”.

Mel Gibson, i cili ka fituar tashmë këtë çmim satirik, këtë vit fitoi për aktorin më të keq në filmin “Home Daddy 2”.

Fituesit, të cilët zakonisht nuk vijnë në ceremoninë e dhënies së çmimit, marrin një skulpturë të verdhë të mjedrës që kushton 4.79 dollarë. /Telegrafi/