Mushkolaj: Me zhvillimet e reja, Milaim Zeka moralisht nuk do të duhej të përfshihej në lista zgjedhore

Në “Debat Plus” me Ermal Pandurin në RTV Dukagjini është debatuar për listat zgjedhore që pritet të propozojnë subjektet politike.

Analisti Imer Mushkolaj ka thënë se është shumë shqetësuese që hapësira për garimin e kandidatëve të pavarur është ngushtuar dhe tashmë sipas tij është pothuajse e pamundur të fitojë ndonjë kandidatë i pavarur me kodin aktual zgjedhor.

Ai ka thënë se imponimi i kuotava gjinore ka ndikuar te partitë që t’u japin më shumë hapësirë grave pasi sipas tij në të kundërtën vështirë se politika jonë do t’u jepte hapësirë femrave.

Mushkolaj ka thënë se partitë nuk do të duhej të kishin njerëz që kanë probleme me ligjin.

“Partitë gjithmonë kanë thënë se nuk do të përfshijnë njerëz me aktakuza apo që kanë probleme me ligjin por në momentin e publikimit të listave ka ndodhur tjetër gjë”.

Analisti ka thënë se zhvillimet e fundit me Milaim Zekën dhe Shkumbin Demalijajn sjellin një situatë të re pasi moralisht këta dy nuk do të duhej të përfshiheshin në lista zgjedhore.

Lexo po ashtu Aktakuzë ndaj Milaim Zekës e Shkumbin Demaliajt, akuzohen për kanosjen e prokurorëve

Kujtojmë ish-deputetët e Kuvendit të Kosovës, Shkumbin Demalijaj dhe Milaim Zeka, do të përballen edhe me një tjetër proces gjyqësor, pasi ndaj tyre janë ngritur aktakuza të reja./Telegrafi/