Mund ta kishin nënshkruar për vetëm tre milionë euro më 2017, Liverpoolit tani i duhet të paguajë 200 milionë euro për pasuesin e Salah

Sipas raportimeve të mediave në Spanjë, Liverpooli po kërkon një yll të Real Madridit për të zëvendësuar Mohamed Salah në afatin kalimtar të janarit.

Skuadra saudite, Al Ittihad, paraqiti një seri ofertash për Salah, në fund të afatit kalimtar të verës, duke përfshirë një ofertë masive me vlerë 175 milionë euro.

Liverpool refuzoi të shesë asetin e tyre dhe është shpërblyer me dy gola dhe katër asistime nga egjiptiani në pesë ndeshje në fillim të sezonit të ri të Ligës Premier.

Al Ittihad pritet të kthehet me një tjetër ofertë për Salah në janar dhe Liverpool mund të joshet për të fituar para nëse klubi nuk është në garë për titullin në atë pikë.

Sipas gazetës spanjolle Fichajes, Liverpooli është i interesuar të nënshkruajë me sulmuesin anësor të Real Madridit, Rodrygo, si zëvendësues të Salah, nëse ai largohet në janar.

Megjithatë, thuhet se Real Madridi nuk ka gjasa ta lejojë brazilianin të largohet, nëse nuk vjen një ofertë ‘e jashtëzakonshme’ nga Merseyside.

Liverpool are keen on signing Real Madrid and Brazilian winger, Rodrygo, if Egyptian forward, Mohamed Salah, decides to leave the club in January. 🇧🇷@fichajesnet pic.twitter.com/dND6OEQPOl

— SPORF (@Sporf) September 21, 2023

Rodrygo, 22 vjeç, ka shënuar 32 gola në 171 ndeshje për Real Madridin dhe shihet gjerësisht si një nga talentet e rinj më të mirë në futbollin botëror.

CIES Football Observatory vlerëson se vlera e transferimit të Rodrygos është 200 milionë euro duke e bërë atë lojtarin e katërt më të vlefshëm në botë pas shokëve të klubit Vinicius Jr dhe Jude Bellingham, dhe sulmuesit të Manchester Cityt, Erling Haaland.

Liverpooli mund ta kishte nënshkruar Rodrygon për vetëm tre milionë euro në vitin 2017, një vit para se Real Madridi ta blinte atë nga Santos.

Sipas The Guardian, ish-mesfushori i Brazilit dhe Manchester Cityt, Elano e bindi presidentin e atëhershëm të Santosit, Modesto Roma Junior, të braktiste planet për të shitur Rodrygon në Liverpool.

Elano punonte si ndihmës trajner në Santos dhe një 16-vjeçar si Rodrygo nuk kishte bërë ende debutimin e tij në ekipin e parë për klubin brazilian.

Oferta e Liverpoolit përfundimisht dështoi, duke i lejuar Real Madridit të nënshkruajë brazilianin për 45 milionë euro vitin e ardhshëm. Dhe sigurisht që do të duhet shumë më tepër se kaq që Jurgen Klopp të marrë më në fund njeriun e tij në tregun e transferimeve të janarit. /Telegrafi/