Jose Mourinho ka thënë se koha e kaluar te Real Madridi ka qenë më e mirë në karrierë.

Strategu portugez ka drejtuar klube si Manchester Unitedi, Chelsea, Interi e Porto, por periudhën te Real Madridi e ka zgjedhur më të mirën.

Mourinho e kishte drejtuar gjigantin evropian në periudhën 2010-2013, ku nuk munguan trofetë.

Jose Mourinho te Real Madridi . (Foto: Mike Hewitt/Getty Images/Guliver)

“Real Madrid ishte përvoja ime më e mirë për shkak të asaj që mësova si trajner, si njeri, nga mësimet që mora në karrierën time dhe në jetën time”.

“Thjeshtë kujtimi më i mirë i karrierës sime, ishte fantastike”.

“Ato që më kërkuan te Reali ishin brenda natyrës time. Më thanë se kisha ekipin më të mirë në botë si kundërshtar (Barcelonën), se po na shkatërronin dhe situata duhej kthyer”.

Mourinho e Ronaldo . (Foto: Jasper Juinen/Getty Images/Guliver)

“Fitorja në Kupën e Mbretit ndryshoi gjithçka, dhe unë fitova pastaj Superkupën dhe La Ligan, por dështova tri herë radhazi në gjysmëfinalen e Ligës së Kampionëve”, ka thënë Mourinho. /Telegrafi/