Nëse mbiemri juaj është Lipa, ju me siguri keni një 2021 të garantuar si të suksesshme. Motra e vogël e Dua Lipës, Rina, ka marrë nga fati i mirë i motrës së saj e cila gëzon famë botërore, duke bërë hapjen e shfaqjes së modës “GCDS Fall 2021” të enjten gjatë Javës së Modës në Milano.

Dua Lipa menjëherë tregoi mbështetjen e saj, duke postuar një video në Instagram të motrës së saj 19-vjeçare, ku shfaqej duke defiluar me një fustan mini me prerje, ngjyrë jeshile-ulliri.

“Ajo bëri atë çfarë kishte bërë”, shkroi Dua në postimin për motrën e saj, shkruan NYLON.

View this post on Instagram

A post shared by rina (@rinalipa)

Dy motrat Lipa janë adhuruese të markës së njohur, pasi edhe vet Dua ka realizuar një fotosesion me bikinit e markës “GCDS Care Bear” vitin e kaluar, pak para hyrjes në karantinë.

Dua dhe i dashuri Anwar Hadid madje bënë paraqitje virtuale në shfaqjen e modës shtatorin e kaluar në formën e avatarëve të animuar, falë teknologjisë AR.

Paraqitja e Rinës në pistën e modës nuk është befasi duke marrë parasysh dashurinë e saj të njohur për modën. Në vitin 2019 ajo u bashkua me Nasty Gal në një koleksion me 30 veshje të frymëzuara nga vitet ’90.

Rina Lipa (Foto: Courtesy of GCDS)

Lipa nuk ishte i vetmi emër i famshëm që eci në këtë shfaqje. Aktorja Maisie Williams tregoi anën e saj të modës, e veshur me një kostum të verdhë, teksa i la flokët në mënyrë të çrregullt.

Koleksioni i ri GCDS u frymëzua nga një vrimë lepuri e nxitur nga ushqimi dhe dridhjet e ngurta të përkthyera përmes shfaqjes së rëndë të filmit të modës ASMR.

“Tani për tani, çdo udhëtim ka rëndësi”, tha dizajneri Giuliano Calza në një deklaratë zyrtare. “Çdo perceptim, çdo reagim. Kohërat e errëta çojnë në kohë të mira dhe ne duhet të njohim çdo pjesë të kësaj lëvizjeje përpara. Ne duhet të mësojmë prej tij dhe duhet të lejojmë që vetvetja jonë e re të rilindë”. /Telegrafi/