Përfaqësuesi i Lartë i BE-së, Josep Borrell ka mirëpritur dakordimin e djeshëm ndërmjet kryenegociatorëve të Kosovës dhe Serbisë rreth deklaratës për të zhdukurit gjatë luftës. Miratimi i saj pritet të bëhet në takimin e ardhshëm ndërmjet liderëve të shteteve, të cilëve Borrell u ka kërkuar zbatimin e të gjitha obligimeve të që dalin nga marrëveshja e Ohrit.
Takimi i parë ndërmjet Kosovës dhe Serbisë pas marrëveshjes së Ohrit solli po ashtu dakordimin e parë drejt zbatimit të saj.
Kryenegociatorët Besnik Bislimi dhe Petar Petkoviq u pajtuan në Bruksel për tekstin e deklaratës për të zhdukurit gjatë luftës.
E, këtë e ka mirëpritur të mërkurën përfaqësuesi i lartë i BE-së për Politikë të Jashtme, Josep Borell.
“Marrëveshja që është arritur për tekstin e deklaratës për personat e zhdukur gjatë takimit të djeshëm të kryenegociatorëve është hapi i parë. Ne do ta miratojmë në nivel të liderëve në takimin e radhës të nivelit të lartë të cilën do ta organizojë”, ka thënë Borrell.
Çështja që e ka zvarritur deri tani miratimin e kësaj deklarate ka qenë termi “dhunë” të cilën Kosova ka insistuar ta përfshijë te çështja e të zhdukurve, gjë të cilën e ka refuzuar Serbia.
Por, është kryetari i Komisionit Qeveritar për të Zhdukurit, Andin Hoti i cili thotë se në takimin e djeshëm është pranuar kërkesa e Kosovës që ai term të përfshihet në deklaratë.
“Më nuk do të ketë vetëm persona të zhdukur, por persona të zhdukur me dhunë nga shteti serb. Gjithashtu, më duhet të theksoj si tepër të rëndësishmë, që me anë të kësaj deklarate Serbia detyrohet të marrë përsipër hapjen e arkivave dhe prezentimin e dokumentave serkrete mbi vendndodhjen e personave të zhdukur me dhunë”, ka thënë Hoti.
Në deklarimin e tij pas takimit, kryenegociatori Bislimi e ka përmendur shkurt çështjen e të zhdukurve, pa specifikuar se çfarë dakordimi është arritur.
Ai ka qenë më konkret kur ka folur për draftin, siç e ka quajtur ai të, “Grupit të Menaxhmentit”, i cili sipas tij duhet të prezantohet në takimin e liderëve.
Mirëpo, Bislimi ka shfaqur paqartësi se rreth kësaj procedure. Por, analisti politik Artan Muhaxhiri nuk beson se ka më dilema rreth Asociacionit.
“Është e besueshme që shumica absolute e draftit tashmë është realizuar dhe këto mund të jenë spektakle për media dhe për ta treguar një lloj divergjence apo mospajtimi kështu të plotë, por në esencë nuk mendoj që ka shumë hapësirë për të bërë ndonjë hap të madh në anën e bllokimit të Asociacionit”, ka thënë Muhaxhiri.
Si datë e mundshme për takimin e radhës ndërmjet kryeministrit Albin Kurtit dhe presidentit serb, Aleksandar Vuçiq është përmendur 22 prilli.
Kryediplomati evropian, Borell ka rishfaqur pritjet e BE-së që të dyja palët të respektojnë gjitha obligimet dhe të fillojnë sa më shpejt zbatimin, derisa ka kërkuar të evitojnë çdo përshkallëzim të mundshëm.
Lufta Prigozhin - Putin
Më shumëMacron bisedon në telefon me Kurtin - e lidh anëtarësimin e Kosovës në Këshill të Evropës me zbatimin e Asociacionit
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
Mujanoviq: Regjimi në Beograd dëshiron të rrezikojë Bosnjën, Malin e Zi dhe Kosovën
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Abdixhiku i bindur se LDK-ja do të jetë formuese dhe bartëse e Qeverisë së ardhshme: Ditën e parë do ta rrisim koeficientin
BE-ja mbështet Serbinë për muri - nëse e pengon Kosovën në organizatat ndërkombëtare, do t'i bllokohet procesi i anëtarësimit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj