Mirë se vini tek kampingu ekstrem! (Foto)

Jo, nuk është fjala për Glastonbury pas dy jave reshje të pandalshme të shiut, pavarësisht se kjo i ka sfidat e veta.

Fjala është për këta persona guximtarë që e kanë kaluar natën e të premtes duke kampuar në bregun e një shkëmbi të lartë 1,700 metra, transmeton Telegrafi.

Për herë të parë ndonjëherë, adhuruesit e adrenalinës kishin qenë të aftë t’i vendosin tendat për natën në vendkalimin e ngushtë të drurit që shkon së bashku me bregun e Laojun Mountain në provincën Henan, Kinë.

Xu Lei, një ndër organizatorët e këtij udhëtimi, thotë se i kishin lejuar rreth 100 persona të flenë lart në mal për të pasur një pamje më të mirë dhe për të përjetuar një lindje të papërshkrueshme të diellit.

Zona ku këta kaluan natën është në pjesën e pasme të malit, aty ka pak erë dhe nuk është e hapur për turistët e zakonshëm. Sidoqoftë, është një vend relativisht komfort për adhuruesit e kampingut ekstrem.

Pamja e deteve nga retë kishte filluar në orën 10 pasdite të premten dhe kishte vazhduar deri në orën 5 pasdite të shtunën. Kjo u kishte dhuruar atyre përvojë të jashtëzakonshme dhe Xu Lei thotë se ndihej sikurse të ishte në mesin e oqeanit.

Një tjetër gjë interesante rreth kësaj ngjarje është se vendi kishte qenë i mbuluar me Wi-Fi dhe kjo ua kishte mundësuar turistëve t’i ndajnë përvojat e tyre në rrjetet sociale. /Telegrafi/