Ministri i Drejtësisë, Abelard Tahiri, ka thënë se në Kosovë ka nevojë të themelohet një gjykatë e re komerciale e cila do të merrej ekskluzivisht me lëndët e natyrës ekonomike.
Tahiri thotë se është shtuar rritja e buxhetit me qëllim të rritjes së personelit gjyqësor me qëllim të trajtimit të këtyre lëndëve.
“Çështja e akumulimit të lëndëve dhe kapaciteteve të pamjaftueshme s’është temë e re brenda sistemit të drejtësisë, por të reja janë iniciativat tona për t’iu dhënë një epilog racional këtyre problemeve me të cilat ende vazhdojnë të ballafaqohen qytetarët në përgjithësi dhe bizneset në veçanti. Një numër i madh lëndësh vazhdon të qarkullojnë nëpër gjykatat tona, e ndër to, numri i lëndëve të pazgjidhura ka qenë mjaft domethënës veçmas në Departamentin për trajtimin e lëndëve të karakterit komercial, si në Gjykatën Themelore të Prishtinës ashtu edhe në Gjykatën e Apelit”, ka thënë për Epoka e Re, ministri Tahiri, duke shtuar se në kuptimin e përgjithshëm, vitin e kaluar kanë stimuluar rritjen e buxhetit për Këshillin Gjyqësor, pikërisht për t’i dhënë mundësi rritjes së numrit të stafit gjyqësor për të ndikuar kështu edhe në përshpejtimin e trajtimit të këtyre lëndëve.
Ai ka shtuar se me axhendwn ‘Drejtwsia 2020’, lëndët e pazgjidhura me vite, përfshirë ato që kanë për subjekt sferën e biznesit, do të zgjidhen shumë shpejt.
“Në anën tjetër, çështjen e akumulimit të lëndëve e kemi trajtuar me prioritet në kuadër të axhendës ‘Drejtësia 2020’, ku për një periudhë të shkurtë kohore pritet që lëndët e pazgjidhura me vite, përfshirë ato që kanë për subjekt sferën e biznesit, do të zgjidhen shumë shpejt. Por, si ministër i Drejtësisë, kam pasur një fokus dhe vazhdoj të besoj se Republika e Kosovës dhe sistemi ynë i drejtësisë ka nevojë për themelimin e një Gjykate të re Komerciale, e cila do të trajtonte ekskluzivisht lëndët e kësaj natyre. Në kuadër të procesit të Rishikimit Funksional të Sektorit të Sundimit të Ligjit, një shtyllë e tërë i është kushtuar hulumtimit të alternativave që do ishin të përshtatshme për ne si vend që të ndërmarrim një hap të tillë. Si shtet i hapur për investime të huaja dhe si shtet ku biznesi privat është gjeneruesi më i madh i punë zënies dhe taksave që derdhen në buxhetin e shtetit, besoj se është koha e duhur që kësaj kategorie t’iu krijojmë një ambient më efikas për trajtimin e lëndëve të tyre”, ka thënë pos tjerash Tahiri.
Ai më tutje ka shtuar se janë në proces të hartimit të Strategjisë për Sektorin e Rendit dhe Ligjit.
“Jemi në proces e sipër të hartimit të Strategjisë për Sektorin e Rendit dhe Ligjit dhe në kuadër të rekomandimeve të saj, do shtrojmë përpara argumentet që flasin në dobi të krijimit të një gjykate të tillë. Në përputhje me këtë ide kanë qenë edhe bizneset e të gjitha rajoneve të Kosovës me të cilët kam zhvilluar takime të shpeshta dhe Odave ekonomike që operojnë në Kosovë. Në anën tjetër, për t’i kontribuar kësaj klime, kemi ndryshuar dhe jemi duke ndryshuar legjislacionin në segmente të rëndësishme, siç është inkuadrimi i ndërmjetësimit si pjesë integrale e profesioneve të lira ligjore, ku krahas përmbaruesve, noterëve dhe administratorëve falimentues, edhe ndërmjetësuesit do jenë aset shtesë për qasjen më të shpejtë në drejtësi. Po ashtu, për herë të parë jemi duke u bërë me Kod Civil dhe ligje tjera që derivojnë nga pakoja e të Drejtave Pronësore, që do të arrijnë një efekt shumë pozitiv në klimën e të bërit biznes në Republikën e Kosovës”, është shprehur ai. /Epoka e Re/Telegrafi/
Lufta Prigozhin - Putin
Më shumëNga Rubrika
1 Maji, Kurti thërret për solidaritet dhe organizim sindikal
Dita e punëtorëve, Tahiri: Sot nuk ka vend për festë – Qeveria mund të festoj dështimet
UBT ndan çmimin më të lartë institucional për Rektorin e Trakya Üniversitesi, Prof. Dr. Erhan Tabakoğlu dhe bën hapjen e Teknoparkut Ndërkombëtar
Respekti dhe vlerësimi i punëtorëve refletojnë në suksesin e Emona Center
N’BAU krejt i gjen me zbritje këtë javë!
Fito udhëtim në çift me IP Petrol!
Relaksim në përjetësi, me “Holiday In 2” t’gjitha i ki
1 Maji, Kurti thërret për solidaritet dhe organizim sindikal
Kosova arrin vlerësimin e parë kreditor sovran, Rukiqi i LDK-së: Duhet të shqetësohemi për kategorinë BB-
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës