Milani po kërkon për zëvendësuesin e Theo Hernandez, janë dy opsione

Me Pierre Kalulu të përjashtuar për disa muaj, Milani është në kërkim të opsioneve për zëvendësimin e Theo Hernandez, duke përfshirë Juan Miranda dhe Quilindschy Hartman.

Prej vitesh dihet se francezi është i pazëvendësueshëm dhe kërkimi për dikë që mund ta plotësojë ose të paktën t’i japë kohë për të pushuar do të vazhdojë në afatin kalimtar të janarit.

Kjo pasi Kalulu i është nënshtruar një operacioni për këputjen e muskujve të kofshës dhe do të mungojë për katër muaj.

Lexo po ashtu Milani planifikon blindimin e Theo Hernandezit

Favoriti absolut është Miranda, pasi raportimet e shumta në Spanjë tashmë sugjerojnë se Milani ka një marrëveshje bazë për ta nënshkruar atë si lojtar të lirë verën e ardhshme, kur kontrata e tij me Real Betis të përfundojë.

Megjithatë, ata gjithashtu shpresojnë të bindin Betisin të ndahet me mbrojtësin e majtë në janar për një tarifë minimale.

Një tjetër kandidat i përmendur nga Tuttosport është talenti i Feyenoord, Hartman, i cili ka mbushur vetëm 22 vjeç javën që shkoi.

Lexo po ashtu Pesë gjigantët evropianë e duan Moscardon - njëri prej tyre i gatshëm 'ta thyejë bankën'

Ai tashmë ka tri paraqitje për Holandën, duke shënuar një gol dhe është produkt i akademisë së të rinjve të Feyenoord.

Kontrata u zgjat vetëm kohët e fundit dhe zgjat deri në qershor 2026, duke ndihmuar në rritjen e çmimit të tij të kërkuar në mbi 20 milionë euro. /Telegrafi/