FIFA mbajti mbrëmjen e saj gala vjetore të çmimeve të enjten dhe nuk pati ndonjë surprizë të madhe kur bëhej fjalë për fituesit.

Kishte një befasi, kur u zbulua se si votuan lojtarët, pasi Lionel Messi nuk e përfshiu shokun e ekipit të Barcelonës, Marc-Andre ter Stegen midis tre portierëve më të mirë në botë.

Messi i dha pesë pikë portierit Keylor Navas, tre pike Manuel Neuerit dhe një pikë Jan Oblak, në tri zgjedhjet që kishte bërë.

Kjo shkaktoi thashetheme se Messi dhe Ter Stegen nuk kanë marrëdhëniet të mira brenda dhomës së zhveshjes dhe se ata janë larguar nga njëri – tjetëri për shkak të qëndrimeve të tyre të ndryshme në disa çështje të klubit.

Ter Stegen aktualisht nuk është kapiten i Barcelonës , pasi Messi është kapiteni kryesor dhe ndërsa zëvendës-kapitenët janë Gerard Pique, Sergi Roberto dhe Sergio Busquets.

Kur erdhi puna për zgjedhjet e tre më të mirëve, Messit zgjodhi Neymarin dhe Kylian Mbappe si dy opsionet e tij të para, duke i dhënë më shumë pikë skuadrës së Paris Saint-Germain.

Javët e fundit ai ka qenë i lidhur me një lëvizje në klubin francez. /Telegrafi/