Mercedesi mbështet Hamiltonin, duan ta ruajnë dominimin dhe anglezi ta arrij rekordin e Schumacherit

Mercedesi i jep besim Lewis Hamiltonin për sezonin e ri, teksa i premton bolid edhe më të fortë për të qenë i pa-konkurrencë në gara.

Prej disa vitesh dominimi i Mercedesit në skenën e Formula 1 është kthyer në fakt absolut dhe nuk pritet të bëjë përjashtim edhe sezoni i ardhshëm, ku do të jetë pikërisht kjo skuadra që duhet mundur.

Vitin e shkuar Ferrari iu afrua shumë, duke udhëhequr edhe klasifikimin për pilotë për disa muaj radhazi, por sërish në fund dominuan ‘shigjetat e argjendta’.

Lexo po ashtu Formula 1 gjatë 2017 – Lewis Hamilton dëshmoi se nuk ka konkurrencë

Në këtë kuadër, drejtori ekzekutiv i skuadrës gjermane, Toto Wolff është mjaft i qetë dhe shijon avantazhin e makinës dhe pilotëve kampionë, si finlandezi Valteri Bottas, që vërtetoi se është në nivele të larta dhe anglezi Lewis Hamilton, që fitoi titullin e 4-t kampion bote me ta, përcjell SS.

“Këtë vit jemi shumë më të relaksuar se sa vitin që shkoi, por sërish rrugëtimi ynë pritet të ketë edhe të panjohura”.

“Të gjithë jemi dëshmitarë se performanca e Hamilton ishte mbresëlënëse sezonin e shkuar. Nuk i mungon motivimi për të bërë të njëjtën gjë edhe këtë vit”.

Lexo po ashtu Hamilton nuk do ta braktisë Mercedesin sikurse Rosberg

“Besoj se është i vetëdijshëm se rekordi i shtatë titujve të Michael Schumacher është një objektiv që mund të arrihet prej tij”, tha Drejtori Ekzekutiv i Mercedesit.

Në fund Wolf e mbyll deklaratën e tij duke konfirmuar faktin se e gjithë skuadra do të mbështesë Lewis Hamiltonin dhe do t’i sigurojë atij një makinë edhe më garuese, që të jetë në nivelin e anglezit.