Mendilibar nuk pajtohet me Jose Mourinhon për historinë që ka bërë Sevilla në Ligën e Evropës

Trajneri i Sevillas, Jose Luis Mendilibar, vuri në dukje se historia nuk gënjen përpara finales së Ligës së Evropës me Romën.

Skuadra spanjolle është fituesja rekord e garës, pasi e ka ngritur trofeun gjashtë herë në të kaluarën, me triumfin e tyre më të fundit në sezonin 2019-2020. Pavarësisht vështirësive të brendshme këtë sezon, klubi i La Ligas është e uritur për të siguruar titullin e shtatë në kompeticion.

Duke folur në një konferencë për shtyp, Mendilibar fillimisht diskutoi se çfarë do të thotë Liga e Evropës për Sevillan.

Lexo po ashtu Mourinho flet për të ardhmen e Romës, Dybala dhe historia e Sevillas përpara finales së Ligës së Evropës

“Kur mbërrita, klubi kishte luajtur disa ndeshje në Ligën e Evropës. Historia nuk gënjen, në 20 vitet e fundit Sevilla ka qenë më e mira. Trofetë janë në kabinetin e trofeve”, ka bërë të ditur ai.

“Njerëzit nuk janë të kënaqur me paraqitjet e mira, ata duan Ligën e Evropës. Kemi bërë mirë në rrugëtim, nesër do të luajmë kundër një ekipi tjetër. Jam i bindur se mund të bëjmë mirë”.

Ai është pyetur për deklaratat e Mourinhos përpara finales. Trajneri portugez ishte i shpejtë për të hequr dorë nga suksesi historik i Sevillas në kompeticion.

“Do të jetë një ndeshje futbolli, ne të dy e meritojmë finalen. Të dy do të japin gjithçka për të fituar. Në një kohë si kjo, buxheti nuk ka rëndësi. Nuk duhet të bëjmë gabime, do të përpiqemi të bëjmë sa më pak”, vazhdoi Mendilibar.

Lexo po ashtu Fillojnë strategjitë e Jose Mourinhos para finales së Ligës së Evropës - portugezi me plan special kundër Sevillas

“Ai kishte flokë gri para meje. Nuk luan historia, por as fjalët e mira ndaj kundërshtarit. Ne kemi mundur ekipe të mëdha dhe nesër qasja jonë do të jetë e njëjtë. Të shohim se kush do të fitojë”.

Ai nuk ishte i interesuar për sugjerimin e Mourinhos se Sevilla është favorit.

“Nuk ka rëndësi, nuk e mendoj. Sigurisht që është e rëndësishme për basteshkruesit, por ky avantazh i vogël nuk përkthehet në fushë”, shtoi ai.

Më në fund, Mendilibar preku qasjen e Sevillas kundër Giallorossëve dhe nëse do të jetë ndryshe nga ndeshjet e tyre të mëparshme.

“Roma nuk ka asnjë lidhje me United dhe Juventus. Ata janë të gjithë të fortë, por romakët janë të ndryshëm. Ne do të përpiqemi ta mposhtim këtë kundërshtar. Pa humbur posedimin e topit ne mund të kemi shanse për të fituar ndeshjen”, ka potencuar më tej trajneri i skuadrës spanjolle. /Telegrafi/