Megan Fox dhe Machine Gun Kelly shënjestër e kritikave të shumta pasi u veshën si një prift dhe një admiruese provokuese

Megan Fox dhe Machine Gun Kelly janë përballur me akuza të rënda nga besimtarë të fesë krishtere, pasi që reperi i famshëm kishte zgjedhur të dukej si një prift në kostumin e tij për Halloween.

Çifti publikoi në Instagram fotografi duke treguar veshjen e tyre, në të cilën shfaqej aktorja e veshur me rroba të zeza provokuese e lidhur me një rrip qeni, teksa shihej duke e marrë bekimin nga partneri i saj.

Ky postim ngjalli shumë zemërim te ndjekësit e krishterë, të cilët e kritikuan çiftin dhe këto postime i cilësuan si tallje me fenë e tyre. Disa nga ta thanë që këto publikime dukeshin “të neveritshme dhe fyese”.

View this post on Instagram

A post shared by Megan Fox (@meganfox)

Në këto imazhe që ngjallën kaq shumë reagime, Megan u paraqit me të brendshme të zeza ne formë rrjete dhe një qafore qensh e ulur ne gjunjë pranë të fejuarit të saj. Ky i dyti shihej i veshur si një prift duke bërë kungimin në gojën e aktores.

Këtyre imazheve iu bashkëngjit dhe një mbishkrim ku shkruhej “të dielave ne bëjmë kungim” së bashku me disa ‘emoji’ të duarve në formë lutjesh dhe disa rruaza.

---

Ndër komentet e vrullshme për çiftin ishin:

“Çfarë ndodhi me përvetësimin kulturor? Pse është e gabuar të veshësh si një indian, por në rregull të tallesh me besimin katolik”.

“Është absolutisht e neveritshme dhe fyese dhe jam shumë i mërzitur nga këto standarde të dyfishta”.

“Pse të gjithë të famshmit tallen me Krishterimin? Çka nuk është në rregull? Dhe pse e urreni Zotin kaq shumë? Kjo më bën të kuptoj se djalli me të vërtetë ekziston”.

“Shikoni se si krishterimi është feja e vetme me të cilën njerëzit tallen haptazi dhe e konsiderojnë atë komike”.
“E papranueshme! Asnjë nuk duhet të tallet asnjëherë me fenë e tjetrit!”.

“Unë nuk i përkas fesë katolike, por kjo që ju keni bërë është shumë e gabuar dhe kaq shumë mënyra për ta tallur fenë. Respekti kërkon respekt, por ju keni humbur respektin tim. Respektoni Biblën!”.

---

Megan dhe burri i saj i ardhshëm, të cilët luajtën së bashku në “Midnight in the Switchgrass” në vitin 2019, filluan romancën e tyre në pranverën e vitit 2020. Çifti zbuloi fejesën e tyre në muajin janar.

Fox ndau me ndjekësit një video çasti, në të cilën MGK shihej i ulur në gjunjë me mbishkrimin: “Në korrik të vitit 2020 ne u ulëm nën këtë pemë. Kërkuam për magji. Ishim të pavëmendshëm për dhimbjen që do të përballonim së bashku në një periudhë kaq të shkurtër kohore.

Reperi nuk ka qenë i martuar më parë, por është prind i një 13-vjeçareje me ish të dashurën e tij, Emma Cannon. Në anën tjetër, Megan ka tre djem me-ish bashkëshortin e saj, Brian Austin Green. /Telegrafi/