Kualifikimi historik i Kiana Kryeziut në Lojërat Olimpike ka bërë jehonë edhe në mediat ndërkombëtare.
Gjiganti mediatik, The Washington Post i ka kushtuar një artikull skitares tonë, duke treguar rëndësinë që ka kualifikimi për Kosovën dhe natyrisht për karrierën e saj edhe pse intervista është e realizuar për Associated Press – një tjetër medium i madh.
Më poshtë mund ta lexoni artikullin e mediumit amerikan, kushtuar Kianës:
Gara në sllallomin gjigant në Lojërat Olimpike të Pekinit do të jetë një hap gjigant për 17-vjeçaren Kiana Kryeziu dhe vendin e saj, Kosovën.
Kryeziu është sportistja e parë nga Kosova në Lojërat Dimërore pasi ka përmbushur standardin kualifikues gjatë garave të zhvilluara në Itali.
“Me të vërtetë nuk e prisja që do të ndodhte kaq herët”, tha Kryeziu për Associated Press. “Ishte një nga synimet e mia më të mëdha. Ishte një nga ëndrrat e mia dhe tani gjithçka po bëhet realitet”.
Jo se ka qenë e lehtë, deklaroi ajo, me shumë stërvitje të vështira, si dhe gjetjen e parave për një sport të shtrenjtë.
Kryeziu mbështetjen e saj kryesore financiare e ka pasur nga sponsorët, por është mirënjohëse edhe për ndihmën e federatës së skijimit të Kosovës, Komitetit Olimpik dhe ministrisë së sportit.
Po aq e rëndësishme, “vetëm një telefonatë larg” ishte mbështetja e babait dhe trajnerit të saj.
“Pjesëmarrja e saj në Olimpiadë është arritja më e madhe dhe, kushedi, çdo rezultat i mirë (është i mundur)”, potencoi trajneri i saj, Agim Pupovci.
Visar Kryeziu, babai i Kryeziut, deklaroi se arritja e saj në realizimin e Lojërave Olimpike “na tronditi ne, si dhe gjithë kombin”.
Kryeziu ka filluar të garojë si skiator rreth moshës 10 apo 11 vjeçare.
“Dhe pastaj bie në dashuri me të”, bëri të ditur Kryeziu, duke e quajtur atë “pasion dhe lumturi” që atëherë.
Babai i saj, i cili është një fotograf me Associated Press, e pa potencialin.
“E pashë që nëse investoja 10 për qind të kohës për të, kthimi ishte 110%”, shtoi më tej Visar Kryeziu. “Sekreti pas tij është shumë punë, shumë përkushtim, pasioni për sportin dhe përkushtimi”.
Stërvitjet e saj mbaruan buxhetin e familjes, por mbështetja financiare nga sponsorët e lejoi atë të stërvitej në Austri dhe Itali vitin e kaluar.
Ambicia e Kryeziut është që në Pekin të përfundojë jo më shumë se 10 sekonda prapa fituesit. Lojërat Olimpike fillojnë më 4 shkurt.
Adoleshentja tha se qau kur Majlinda Kelmendi (Rio de Zhaneiro 2016) dhe Nora Gjakova dhe Distria Krasniqi (Tokio 2020) fituan medaljet e arta olimpike në xhudo për Kosovën.
Kosova u bë anëtare e Komitetit Olimpik Ndërkombëtar në vitin 2014.
Pas konfliktit të viteve 1998-99 që vrau rreth 13,000 njerëz dhe përfundoi pasi NATO bombardoi Serbinë për të ndaluar goditjen e saj ndaj shqiptarëve etnikë separatistë, Kosova fillimisht u qeveris nga Kombet e Bashkuara dhe në vitin 2008 shpalli pavarësinë. Nuk njihet nga Serbia.
Kryeziu është në vitin e fundit të shkollës së mesme.
“Të bësh zhonglim me shkollën, sportin, jetën familjare dhe shoqërore është shumë e vështirë”, shton më tej ajo, por “duket se kam arritur të gjej ekuilibrin e përsosur”, përfundon intervista e saj për AP. /Telegrafi/
Promo
Reklamo këtuLufta Prigozhin - Putin
Më shumëPas 22 vitesh klubi i njohur kthehet në Ligën Premier – fituesit e titullit dhe një trofeu evropian tani janë në elitën e futbollit anglez
Ish-legjenda e Man Cityt që dikur kishte milionat, tani ka falimentuar dhe ka vetëm 2 euro në bankë
Me ardhjen e Arne Slot, Liverpooli futet në garë për objektivin kryesor të Juventusit
Ferizaj dhe Suhareka sigurojnë inkuadrimin në Superligën e Kosovës
Bayer Leverkuseni mund ta barazojë këtë fundjavë një rekord historik që nuk është thyer që 59 vite
Xabi Alonso mund të prishë planet e Barcelonës në Ligën e Kampionëve 2024/25
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City