Medalja e fundit e artë e Britanisë së Madhe ka thyer një rekord Olimpik 113-vjeçar

Sportistët e Britanisë së Madhe siguruan një tjetër medalje të artë në pishinën Olimpike me një fitore dominuese në stafetën 4×200 metra të stilit të lirë në not në Lojërat Olimpike “Tokio 2020”.

Katërshja apo kuarteti i Britanisë së madhe në 200 metra i përbërë nga Tom Dean, Duncan Scott, James Guy dhe Mattheë Richards fituan garën dhe arritën brenda 0,03 sekondave të rekordit botëror në një performancë mahnitëse.

Kuarteti britanik fitoi në gjashtë minuta 58.58 sekonda – 3.23 sekonda të qarta nga Komiteti Olimpik rus, ndërsa Australia fitoi medaljen e bronztë.

28 July – #Swimming – Men's 4 x 200m Freestyle Relay

🥇Great Britain🇬🇧
🥈#ROC
🥉Australia🇦🇺#UnitedByEmotion | #StrongerTogether | #Olympics | #Tokyo2020

— #Tokyo2020 (@Tokyo2020) July 28, 2021

Britania e Madhe ishin favoritët që hynë në garë pasi u kualifikuan më shpejt dhe ata prodhuan atë që ish-olimpiku Mark Foster e përshkroi si një “demonstrim i një performance”.

Fitorja do të thotë që Dean bëhet notari i parë britanik që fiton dy medalje ari në të njëjtat Lojëra Olimpike që nga viti i largët 1908.

A first British men's 4 x 200m Freestyle Relay gold medal since 1908. #TeamGB pic.twitter.com/G9iCnvb0iI

— bet365 (@bet365) July 28, 2021

Kjo është gjithashtu hera e parë në 113 vjet që Britania e Madhe ka fituar tre medalje ari në not në një Olimpiadë.

Pas fitimit të medaljes së artë, emocionet ishin të mëdha te ekipi britanik, teksa nuk munguan as lotët. /Telegrafi/