Në një emision të BBC-së është treguar se mbretëresha Elizabeth II e ka fshehur nga familja e saj skeçin me James Bondin, ndërsa një prej kushteve për të marrë pjesë ka qenë që askush të mos dijë rreth kësaj.

Reklama

Mbretëresha ka aktruar përkrah Daniel Craigut në skeçin humoristik që është emetuar gjatë Lojërave Olimpike Verore të Londrës në vitin 2012.

Në një episod të emisionit “The Reunion”, prezantuesja Kirsty Wark ka folur me anëtarët e ekipit të produksionit që kanë punuar në ceremoninë hapëse të evenimenti, ku është shfaqur xhirimi.

(Foto: Screenshot/YouTube/Olympics)

Aty shfaqet Craig në rolin e agjentit 007 teksa e udhëheq mbretëreshën drejt stadiumit olimpik në Londër.

E quajnë 'dukesha vezulluese'! Kate Middleton i lë të gjithë pa fjalë me paraqitjen në premierën e "No Time To Day" në Londër E quajnë 'dukesha vezulluese'! Kate Middleton i lë të gjithë pa fjalë me paraqitjen në premierën e "No Time To Day" në Londër
Reklama

“Mbretëresha kurrë nuk ia ka thënë familjes së saj se është duke e bërë atë. Ky ka qenë njëri prej kushteve kur ka pranuar të jetë pjesë e projektit”, ka rrëfyer menaxheri i produksionit, Sam Hunter.

Reklama

Njëherësh, ekipi i produksionit është dashur ta ruajnë sekretin edhe nga disa pjesëtarë të qeverisë. /Telegrafi/