LAJMI I FUNDIT:

Mavraj: Ndeshjet nuk falen, gati për luftë të fortë sportive

Mavraj: Ndeshjet nuk falen, gati për luftë të fortë sportive

Mërgim Mavraj ishte në krah të trajnerit Edi Reja, në konferencën për shtyp para ndeshjes me Francën në “Saint Denis”.

Kapiteni i kuqezinjve theksoi se Shqipëria është e përqendruar te ndeshja e nesërme dhe se nuk ka ndërmend ta falë rezultatin.

Sa e vështirë do të jetë nesër për Shqipërinë ndaj Francës?

E dimë të gjithë që këtu është një fushë shumë e vështirë, pavarësisht mungesave të Francës, që gjithsesi ka shumë futbollistë të një niveli të lartë. Do të jetë shumë e komplikuar, por ne kemi treguar se dimë t’u krijojmë vështirësi çdo lloj kundërshtarëve.

Keni qenë në fushë në ndeshjen e Euro 2016-ës. Sa e aftë është Shqipëria t’i krijojë vështirësi Francës?

Ne të gjithë e dimë se si mund t’u krijojmë telashe këtyre skuadrash. Duhet të luajmë të fokusuar, me sa më pak gabime dhe me vetëbesim, që të mund t’ua komplikojmë ndeshjen kundërshtarëve. Mbi të gjitha, besoj se jemi gati për të paktën një luftë të fortë sportive.

E keni mendjen te ndeshja për nesër, apo te ajo ndaj Islandës pas tri ditëve?

Janë dy ndeshje shumë të rëndësishme, ku fitorja vlen 3 pikë për çdonjërën. Natyrisht që Islanda është një kundërshtar i nivelit tonë dhe kemi më shumë shanse, por nuk do të falim ndeshjen ndaj Francës. Kemi shumë lojtarë të rinj, që kanë një mundësi të luajnë një ndeshje të madhe dhe do provojmë të bëjmë më të mirën nesër.

A ka Shqipëria mundësi të përballojë dy ndeshje brenda pak ditësh?

Ne që jemi këtu, jemi të gjithë në një formë të mirë, ndonëse në javët e para të kampionateve. Kushdo që të zbresë në fushë, në çdonjërin prej takimeve, do të bëjë më të mirën me siguri. Nuk mendoj se duhet të rrimë me mendjen te Islanda, pasi kemi një tjetër ndeshje ku fitorja vlen 3 pikë. /SS/

Në trend Sport

Më shumë
“Ai na tha shumë qartë”, drejtori i Bayernit jep një përditësim të madh për të ardhmen e Kimmich

“Ai na tha shumë qartë”, drejtori i Bayernit jep një përditësim të madh për të ardhmen e Kimmich

Bundesliga
Lojtari i Arsenalit merr një 'kontratë rekord' që nuk është parë më parë në Emirates

Lojtari i Arsenalit merr një 'kontratë rekord' që nuk është parë më parë në Emirates

Premier League
Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Për tre muaj, 50 baste: Publikohet videoja ku Tonali mezi pret të ndëshkohet me karton të verdhë

Premier League
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Liverpooli heq dorë nga Xabi Alonso, Klopp do të pasohet nga 39-vjeçari pak i njohur

Premier League
Konfirmohet dëshira e Neymar Jr për t’u rikthyer në Barcelonë

Konfirmohet dëshira e Neymar Jr për t’u rikthyer në Barcelonë

La Liga
Kalo në kategori