Martinez kryen pjesën e parë të testeve mjekësore, i jepet fanella me numrin 10 te Interi  

Lautaro Martinez ka kaluar pjesën e parë të testeve mjekësore të tij me Interin dhe pritet t’i jepet fanella me numrin 10.

Sulmuesi i talentuar ka arritur dje (e enjte) gjatë ditës në qytetin e Milanos, aty ku pritet të nënshkruaj me Interin.

Sot (e premte) gjatë mëngjesit Martinez ka pasur në plan t’i kryej testet mjekësore para nënshkrimit të kontratës.

Lexo po ashtu Blerja e parë e Interit, Martinez mbërrin gjatë ditës në Itali

Sipas mediumit Corriere dello Sport, Martinez ka lënë ambientet e CONI-t të premten në mëngjes aty ku ka kryet testet e para mjekësore.

Tani argjentinasi është drejtuar për në Spitalin Hulumtues të Humanitas në Rozzano, aty ku pritet t’i nënshtrohet pjesës së dytë dhe përfundimtare të testeve.

Sulmuesi i ri, i cili u prit me këngë nga tifozët si ‘Lautaro, ti je njëri prej nesh’ në aeroportin e Milanos Malpensa, pritet të vërë në letër kontratën e tij gjatë pasdites.

Lexo po ashtu Martinez arrin në Milano, nesër testet mjekësore dhe nënshkrimi i kontratës me Interin

Nerazzurrët raportohet se do të paguajnë 20 milionë euro për shërbimet e tij.

Gazzetta dello Sport raporton se Interi do t’ia japë argjentinasit fanellën me numër 10, duke bërë shenjë që ai do të luajë si partner me Mauro Icardin. /Telegrafi/