LAJMI I FUNDIT:

Mancini shumë afër për t’u bërë trajner i Italisë

Mancini shumë afër për t’u bërë trajner i Italisë
Roberto Mancini (Foto: Getty Images)

Raportohet se Roberto Mancini ka arritur marrëveshje me Federatën e Futbollit të Italisë për t’u bërë përzgjedhësh i Përfaqësueses së Italisë.

Trajneri i Zenit St Petersburgut do të jetë pasues i Giampiero Venturas, i cili u shkarkua pas mospjesëmarrjes në Kampionatin Botëror ‘Rusia 2018’.


Ky ishte lajmi ditës në Itali dhe erdhi nga Gazetta dello Sport dhe Corriere dello Sport, dy nga gazetat më prestigjioze në Itali.

Mancini gjatë një ndeshje për Zenit Saint Petersburgit (Foto: Getty Images)

Besohet se palët janë takuar në Romë, ku kanë biseduar për rreth dy orë.

Mancini pritet të nënshkruajë kontratë dy vjeçare, ku do të përfitojë rreth katër milionë euro në sezon.

Materazzi: Mancini për trajner të Italisë
Lexo po ashtu Materazzi: Mancini për trajner të Italisë

I vetmi problem është kontrata me Zenitin, por mundësitë që tekniku italian dhe klubi rus të gjejnë një gjuhë të përbashkët ekzistojnë.

Njoftimi zyrtar nga federata për trajnerin e ri do të ndodh brenda dy javësh. /Telegrafi/