Manchester City e ka mposhtur Chelsean me rezultat 3-1 në Stamford Bridge në kuadër të javës së 17-të në Ligën Premier.

Pas 18-të minutash lojë, Citizens kaluan në epërsi me anë të Ilkay Gudoganit që pranoi një asistim të bukur nga Phil Foden.

Tre minuta më vonë, anglezi u fut në listën e realizatorëve, duke e zënë në befasi Eduard Mendyn.

Kevin de Bruyne po ashtu shfrytëzoi një vrapim të mrekullueshëm të Raheem Sterlingut që nuk arriti të shënonte, e belgu nuk gaboi në minutën e 34-të.

45 minutat e dytë ishin të qetë për nga aspekti i golave, mirëpo The Blues tentuan që të shkaktonin befasi ndaj Cityt.

Callum Hudson-Odoi pranoi një asistim nga Kai Havertz, për të shënuar për rezultatin përfundimtar 3-1 në minutën e 90+2, por Citizens triumfuan.

Pas javës së 17-të, Manchester City është në vendin e pestë me 29 pikë, derisa Chelsea është në të tetin me 26 sosh.

Në xhiron e 18-të, blutë do të kenë punë me Fulhamin, derisa Citizens takohet me Brightonin. /Telegrafi/