Manchester City ka marrëveshje në parim me Haaland

Manchester City ka një marrëveshje në parim për të realizuar nënshkrimin e suksesshëm të Erling Haaland nga Borussia Dortmund këtë verë.

Burime të MailSport në Gjermani kanë thënë se tani presin që 21-vjeçari të zgjedhë një kalim në Etihad Stadium. Ata thonë se kushtet personale janë diskutuar dhe korniza e transferimit është gati për t’u nënshkruar nga drejtuesit e Cityt.

Haaland ka një klauzolë lirimi prej 70 milionë eurosh në kontratën e tij me Dortmundin, ndërsa agjenti i lojtarit, Mino Raiola, do të fitojë gjithashtu një pagesë të konsiderueshme. Këto tarifa, plus një bonus nënshkrimi, ka të ngjarë të çojnë shpenzimet totale mbi 100 milionë.

Lexo po ashtu Man City, Barcelona, Real Madrid dhe Bayern Munich: Kush është më afër Haalandit?

Financat thuhet se janë të përballueshme për Cityn, i cili e ka bërë sulmuesin norvegjez prioritetin numër një të transferimit.

Barcelona dhe Paris Saint-Germain po tregojnë interes, por rivali më i rëndësishëm i Cityt është Real Madridi, i cili do të vazhdojë të luftojë për nënshkrimin e tij.

Megjithatë, ka një ndjenjë në rritje në të gjithë Evropën se kampionët e Ligës Premier janë në pozicionin të mirë për të fituar njërin ndër lojtarët më të mirë aktualisht.

Lexo po ashtu Barcelona mund të mos e përballojë transferimin e përhershëm të Adamas

Babai i Haaland, Alfie, kaloi tre vjet në City pasi u largua nga Leeds United, dhe familja ende ka një afinitet me klubin.

Haaland – i cili është afër rikthimit te Dortmundi pasi pësoi një lëndim të muskujve në janar – krenohet me një rekord të lakmueshëm. Ai ka 80 gola nga 79 paraqitje për skuadrën e Bundesligës dhe një shikim në karrierë që shfaq 149 gola nga 190 ndeshje. /Telegrafi/