Manchester Unitedi është duke kërkuar kapitenin e Southamptonit, James Ward-Prowse, i cili pëlqehet shumë edhe nga Manchester City.

Sipas mediumit The Sun, kapiteni i Southamptonit, i cili vlerësohet 75 milionë funte apo rreth 85 milionë euro pritet t’i fusë në ‘luftë’ dy rivalët e mëdhenj.

E gjithë kjo, pasi Djajtë e Kuq tani kanë vendosur në radar mesfushorin Ward-Prowse, i cili është një lojtar që pëlqehet shumë nga trajneri i Cityt, Pep Guardiola.

Ward-Prowse hedh kandidaturën për çmimin ‘Puskas’, shënoi gol të jashtëzakonshëm nga goditja e dënimit nga 35 metra Ward-Prowse hedh kandidaturën për çmimin ‘Puskas’, shënoi gol të jashtëzakonshëm nga goditja e dënimit nga 35 metra

Erik ten Hag përballet me një punë të madhe rindërtimi në Old Trafford dhe tashmë ka filluar të hartojë një listë të blerjeve.

Ai thuhet se tashmë ka etiketuar 27-vjeçarin Ward-Prowse, pasi transferimi i Declan Rice nga West Ham është shumë i vështirë, me klubin londinez që thuhet se ka vendosur ta mbajë mesfushorin edhe për një sezon.

Reklama
Reklama

Burime nga Old Trafford mendojnë se Ward-Prowse mund të luajë në rolin mbajtës të mesfushës, pasi tashmë ka gjithë përvojën e duhur për ta udhëhequr mesfushën e Unitedit.

Ward-Prowse fiton rreth 100 mijë funte në javë me Saints, që do të thotë se paga e tij – edhe me një rritje të madhe – nuk është as pengesë për klubin nga Old Trafford.

Kontrata e tij pesëvjeçare zgjat deri në qershor 2026 dhe ai nuk po bën presion për një largim, megjithëse joshja për t’u bashkuar me një nga klubet më të mëdha të futbollit do të ishte e vështirë t’i rezistonte.

Reklama
Guardiola thotë se Ward-Prowse është gjuajtësi më i mirë në botë i goditjeve të lira - tregon edhe përse Guardiola thotë se Ward-Prowse është gjuajtësi më i mirë në botë i goditjeve të lira - tregon edhe përse

Në anën tjetër, Guardiola kërkon një mesfushor për të zëvendësuar Fernandinhon, i cili pritet të largohet.

Trajneri i Cityt e ka quajtur mesfushorin Ward-Prowse si njërin nga specialistët më të mirë në botë për gjuajtjet e lira.

Reklama

Por, një transferim i tillë atij nuk do t’i garantohej vendi i rregullt në ekipin e parë në Etihad. /Telegrafi/