LAJMI I FUNDIT:

Makthet e Dybalas: Berisha dhe Strakosha të vetmit që e ndalën argjentinasin nga pika e bardhë (Foto/Video)

Makthet e Dybalas: Berisha dhe Strakosha të vetmit që e ndalën argjentinasin nga pika e bardhë (Foto/Video)

Paulo Dybala nuk kishte dështuar asnjëherë nga pika e bardhë në Serie A, por kjo zgjati vetëm derisa nuk i doli përpara portieri i Atalantas, Etrit Berisha, në javën e shtatë të kampionatit italian në sezonin 2017/2018.

Në përballjen e zhvilluar në Bergamo, Juventusi i kishte shënuar dy gola të shpejtë në pjesën e parë me anë të Federico Bernardeschit dhe Gonzalo Higuainit. Mattia Caldara e kishte ngushtuar rezultatin po në gjysmën e parë, ndërsa shifrat u barazuan në fraksionin e dytë me golin e Bryan Cristantes.

(Foto: Getty Images)

Në minutën 84 u akordua penalti në favor të Zonjës së Vjetër dhe Dybala e pati rastin t’ia fitonte ndeshjen Juves. Por, këtë nuk e lejoi të ndodhte gardiani shqiptar, Etrit Berisha, duke ia mbrojtur penalltinë dhe falë heroizmit të tij, Atalanta ia doli të marrë një pikë të artë përballë kampionit.

Portieri i Atalantas asokohe u shpreh i lumtur për penalltinë e mbrojtur, por më shumë për pikët e fituara.

“Jemi të lumtur, e kemi merituar këtë barazim sepse ishin 2-0 dhe e rikthyem në 2-2 ndaj skuadrës më të fortë në Itali. Penalltia? Kam vendosur në moment, edhe pse e kam parë se si do të gjuajë, ishte e vështirë”.

I pyetur se si ndihej që mbrojti penalltinë e një lojtari që nuk dështon kurrë, Etriti tha: “Bukur, por më e rëndësishme është pika e fituar”.

(Foto: Getty Images)

Në ndeshjen e xhiros së tetë në Serie A, Lazio arriti një fitore shumë të rëndësishme përballë Juventusit në Torino, ndërsa për këtë më meritori ishte portieri shqiptar, Thomas Strakosha.

Goli i parë u shënua nga skuadra vendase që kaloi në epërsi në pjesën e parë me anë të Douglas Costas, ndërsa në pjesën e dytë Ciro Immobile realizoi dy gola.

(Foto: Getty Images)

Mirëpo, golat e sulmuesit italian nuk do të kishin vlerën e tri pikëve nëse gardiani i kryeqytetasve nuk do të ishte në formë mahnitëse. Derisa Biancocelestët ishin në epërsi prej 2-1, në minutat shtesë të takimit u akordua penalti në favor të Zonjës së Vjetër. Përgjegjësinë e mori numri 10, Paulo Dybala.

Edhe një herë u dëshmua se makthi i argjentinasit ishin portierët shqiptarë. Goditjen e sulmuesit të Juves e ndali Strakosha duke u bërë hero i Lazios.

Në deklaratën e tij pas ndeshjes, reprezentuesi i Shqipërisë kishte thënë se i ka studiuar ekzekutimet e ‘La Joyas’ dhe se e kishte dëgjuar babanë për anën e goditjes.

“Zoti më ndihmoi ta ndali atë penallti. Si Grigioni (trajner i portierëve) ashtu edhe babai im, më këshilluan që të hidhesha në krahun e djathë dhe ishte zgjedhje e duhur. E kam studiuar Dybalan dhe e dinim se nëse do të bëhej një penallti, në cilën anë do të gjuajë. Më ka ndihmuar edhe fati”, pati deklaruar Strakosha.

(Foto: Getty Images)

Pra, ishin portierët shqiptarë që ua imponuan Bianconerëve barazimin dhe humbjen e parë në sezonin 2017/2018.

Pritja e Strakoshës ishte akoma më e dhimbshme, meqë ndali një ecuri fantastike të kampionit në fuqi. Juventusi humbi në shtëpi pas 41 ndeshjeve. Hera e fundit ishte 23 gusht 2015, pra pas 783 ditësh, 18.792 orësh, 1.127.520 minutash dhe 67.651.200 sekondave. /Telegrafi/

Në trend Sport

Më shumë
Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Premier League
Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

Rritje prej 10 cm dhe shtim peshe 7 kg - Barcelona me plan për shmangien e lëndimeve të Lamine Yamal

La Liga
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit

Bundesliga
“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

“Ka pak Kosovë brenda meje, ndihem danez”, talenti që po mahnit Danimarkën nuk i konsideron Dardanët

Përfaqësuesja e Kosovës
Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Zviceranët e provokojnë me pyetje Shaqirin, ai i përgjigjet me fakte: Kur nuk kam qenë i gatshëm për ngjarjet e mëdha?

Ndërkombëtare
Zbulohet emri i vërtetë i Kylian Mbappes - ka lënë të shokuar fansa e tij

Zbulohet emri i vërtetë i Kylian Mbappes - ka lënë të shokuar fansa e tij

Ligue 1
Kalo në kategori