Maffeo shkëlqeu ndaj Barçës dhe Realit, Man City ia tregon çmimin gjigantëve spanjollë

Pablo Maffeo, i riu i Manchester Cityt, është duke tërhequr interes nga dy klubet më të mëdha të Spanjës, Real Madridi dhe Barcelona.

Maffeo është në huazim në Girona këtë sezon, ku ai ka impresionuar në paraqitjet e tij në La Liga.

Paraqitjet e tij superiore sidomos në takimet me skuadrat e mëdha ka çuar në interesimin nga klubet spanjolle.

Lexo po ashtu Dhjetë talentët që duhet t'i ndiqni në vitin 2017 (Video)

Javën e kaluar, Valencia u lidh me Maffeon dhe tani mediumi spanjoll Don Balon raporton se edhe Real Madridi dhe Barcelona janë të dy për nënshkrimin e tij.

Maffeo, i cili ka luajtur në mbrojtje dhe në mesfushë për trajnerin e Gironas, Pablo Machin, shkëlqeu kundër Realit dhe Barçës këtë sezon.

Hetimet e para nga gjigantët spanjollë janë bërë tashmë, ndërsa edhe City i ka  informuar ndërmjetësit e Reali dhe Barçës për çmimin e spanjollit.

Lexo po ashtu Talenti i Gironas i huazuar nga City zbulon se çfarë i tha Messi pas takimit dhe pse në fund e ndërroi fanellën me Ter Stegenin e jo argjentinasin

Sipas drejtuesve të Cityt, Maffeo do të lejohet të largohet nga klubi vetëm për shifrën prej 30 milionë euro.

Ndryshe, 20-vjeçari spanjoll ka luajtur për të gjitha grupmoshat e reja të kombëtares spanjolle dhe llogaritet një nga talentet premtues për ekipin e parë në të ardhmen. /Telegrafi/