Lukaku do të rikthehet te Chelsea, por Blutë nuk e duan

Sulmuesi i Interit, Romelu Lukaku do të kthehet te Chelsea në qershor, por Blutë nuk e duan sulmuesin belg dhe janë të hapur për të diskutuar një marrëveshje të re me gjigantët e Serie A.

Beppe Marotta ka thënë javën e kaluar se Lukaku do të rikthehej në Chelsea në fund të sezonit, megjithëse 29-vjeçari dëshiron të qëndrojë në Stadio Meazza.

“Do të shohim nëse duam të negociojmë një rikthim te ne” ka thënë drejtori i Nerazzurrëve.

Tani, sipas Il Corriere dello Sport, Chelsea nuk dëshiron ta mbajë Lukakun në Stamford Bridge në sezonin 2023/24, kështu që ata janë të hapur për të negociuar një marrëveshje të re me Interin. Megjithatë, kjo nuk do të thotë domosdoshmërisht se Lukaku me siguri do të rikthehet në Meazza.

Siç tha Marotta, Nerazzurrët do ta bëjnë vlerësimin e tyre në fund të sezonit, duke pasur parasysh se 29-vjeçari ka pasur probleme me lëndimet këtë sezon, duke shënuar vetëm katër gola në 15 paraqitje.

Lukaku nuk arriti të justifikonte çmimin e tij prej 113 milionë euro te Chelsea në sezonin 2021/22, duke shënuar vetëm 15 gola në 44 paraqitje nën drejtimin e Thomas Tuchel.

Ai u kthye te Interi në një marrëveshje huazimi me vlerë tetë milionë euro verën e kaluar dhe gjigantët e Serie A nuk kanë një opsion për ta bërë lëvizjen e tij të përhershme. /Telegrafi/