Lottie Moss provokon me veshje transparente në BludFest dhe flet hapur për përdorimin e Ozempic

Modelja britanike, Lottie Moss, ndezi skenën këtë fundjavë në Festivalin BludFest, ku u shfaq me një kostum trupi rrjete transparent dhe pantallona të shkurta që vënë në pah linjat e saj.

E kombinuar me këpucë baleti dhe syze dielli, pamja e saj u bë menjëherë temë diskutimi, ndërsa ajo pozoi me vetëbesim dhe provokoi rrjetin me stilin e saj guximtar.

Por, përtej pamjes që nuk lë shumë vend imagjinatës, Lottie ndau edhe një rrëfim të sinqertë për betejat e saj me peshën dhe presionin për t’u dukur si motra e saj, supermodelja Kate Moss, shkruan DailyMail.

Në dokumentarin britanik “The Price of Perfection”, ajo pranoi se vite më parë ka përdorur në mënyrë të paligjshme ilaçin Ozempic për të humbur peshë – një vendim që e çoi deri në një krizë dhe urgjencë spitalore.

“Ndjeva sikur po vdisja”, rrëfeu Lottie, duke shtuar se edhe pse pasojat ishin të rënda, ajo sërish ka menduar t’i rikthehet ilaçit, për shkak të presionit të industrisë së modës dhe krahasimeve të vazhdueshme me motrën e saj të famshme.

“Gjithmonë më krahasuan me Kate, si një version i saj i ri… kjo ndikoi shumë në mënyrën si e shihja trupin tim”, tha Lottie.

Ajo theksoi se sot është më e vetëdijshme për rreziqet dhe po përpiqet të gjejë balancën mes karrierës dhe mirëqenies personale.

Ndërkohë, pamja e saj në festival konfirmon se Lottie Moss mbetet një figurë që sfidon standardet dhe thyen tabu, si me stilin, ashtu edhe me zërin e saj të hapur për çështje që prekin shumë të rinj. /Telegrafi/