Longstaff zbulon se çfarë i tha Mbappes gjatë ndeshjes – por mbeti i zhgënjyer nga francezi

Sean Longstaff zbuloi se ai i kërkoi Kylian Mbappes fanellën pas fitores 4-1 të Newcastle kundër Paris Saint-Germain, por fituesi i Kupës së Botës me Francën në fund ia dha atë djalit të Kieran Trippier.

Longstaff u pa duke folur dhe duke bërë shaka me superyllin e PSG-së pas ndeshjes dhe ai pranoi pas ndeshjes se kishte ndërmend t’i jepte fanellën e anësorit vëllait të tij të vogël.

Ylli i Newcastle, i cili shënoi për të kaluar skuadrën e Eddie Hoëe 3-0 gjatë ndeshjes epike të Ligës së Kampionëve në St James’ Park, tha për TNT Sports: “Mendoj se po e bllokoja atë (Mbappen) nga goli”.

Lexo po ashtu Me fitoren bindëse ndaj PSG-së, Newcastle United bëhet lider i Grupit F

“Kështu që unë do të përpiqem ta marr atë (fanellën e tij) për vëllain tim të vogël. Shpresoj se do ta marr”.

Por, pas ndeshjes, Trippier, i cili u përball me Mbappen në krahun e majtë, shkoi pas ekspertëve të TNT me djalin e tij që kishte veshur një fanellë të PSG-së që me sa duket i përkiste francezit.

Longstaff tani duhet të pres ndeshjen e dytë që të ketë shansin që të ketë një fanellë të Mbappes për vëllain e tij të vogël. /Telegrafi/