Lojtarët e Romës duan që Dzeko të mbetet kapiten i skuadrës, kërkesa refuzohet nga kryesia e klubit

Sipas La Gazzetta dello Sport, lojtarët e Romës duan që Edin Dzekos t’i kthehet pas shiriti i kapitenit, por klubi e ka refuzuar kërkesën.

Ish sulmuesi i Manchester City i është hequr shiriti i kapitenit në janar pas marrëdhënieve të tensionuara me trajnerin Paulo Fonseca.

Boshnjaku u stërvit ndaras nga pjesa tjetër e grupit në fund të janarit kur thuhet se ishte afër bashkimit me Interin, ku do të shkëmbehej me Alexis Sanchezin.

Drejtori i Përgjithshëm i Romës, Tiago Pinto konfirmoi më 3 shkurt se Dzeko nuk ishte më kapiteni i Romës.

Sipas La Gazzetta dello Sport, megjithatë, lojtarët e Romës duan që sulmuesi të marrë përsëri shiritin.

Kërkesat është mbështetur edhe nga Lorenzo Pellegrini i cili pritet të bëhet kapiteni i ri i Romës.

Klubi ka refuzuar kërkesën e lojtarëve, por Dzeko mund të kthehet në aksion kundër Udineses të dielën.

Boshnjaku u kthye në listën e skuadrës së Romës kundër Juventusit fundjavën e kaluar, por nga stoli duke zëvendësuar Borja Mayoralin në pjesën e dytë. /Telegrafi/