Llapi ka konfirmuar zyrtarisht transferimin e Alban Shabanit, i cili edhe në të kaluarën ka lujtur me llapjanët dhe ka qenë pjesë e akademisë së tyre.

Klubi llapjan ka vazhduar me përforcime para nisjes së garave evropiane dhe sezonit të ri në Superligën e Kosovës.

“Legjendat” kanë konfirmuar tashmë me anë të faqes zyrtare se kanë nënshkruar kontratë dyvjecare me mesfushorin Alban Shabani.

Njoftimi ka ardhur me anë të faqes zyrtare, ndërsa ky është një rikthim për Shabanin, i cili është rritur te Llapi, por viteve të fundit ka luajtur me Skënderbeun, Feronikelin dhe Drenicën.

Postimi pa ndërhyrje i Llapit

𝐀𝐥𝐛𝐚𝐧 𝐒𝐡𝐚𝐛𝐚𝐧𝐢 𝐫𝐢𝐤𝐭𝐡𝐞𝐡𝐞𝐭 𝐧ë 𝐬𝐡𝐭ë𝐩𝐢

Mesfushori me tipare defanzive, Alban Shabani nënshkruan me klubin tonë, KF Llapi deri në vitin 2024!

Klubi ynë, KF Llapi ka arritur të rikthej në shtëpi mesfushorin defanziv, Alban Shabani, i cili gjatë dy edicioneve paraprake luajti për Skënderbeun, Feronikelin e Drenicën.

Mesfushori me potencial, Shabani rikthehet përsëri në fole, në klubin ku morri hapat e parë të karrierës dhe ku u formua si futbollist.

Trajneri, Tahir Batatina i dëshiroi mirëseardhje në mesin tonë, duke i dëshiruar shumë suksese me klubin e tij të zemrës!

Mirësevjen ALBAN

/Telegrafi/