Liverpooli me tjetër përforcim nga Bundesliga, afër marrëveshjes me Gladbach për mesfushorin Neuhaus

Liverpooli do të vazhdoj të përforcohet edhe më tej me futbollist që vijnë nga kampionati gjerman Bundesliga.

Gjiganti anglez ditë më parë kompletoi transferimin e parë për edicionin e ri, kur nënshkroi mbrojtësi francez Ibrahima Konate nga RB Leipzig.

Por duket se trajneri Jurgen Klopp dëshiron një tjetër përforcim nga kampionati gjerman dhe tani synohet mesfushori Florian Neuhaus.

24-vjeçari ka pasur një sezon të jashtëzakonshëm me Borussia Moenchegladbach duke qenë lider i kësaj skuadre.

Neuhaus që luan në rolin e mesfushorit qendror, në 45 ndeshje zyrtare ka shënuar tetë gola dhe ka asistuar në tetë të tjerë.

Mediat angleze dhe ato gjermane raportojnë se Liverpooli është gati të shpenzojë deri në 45 milionë euro për transferimin e gjermanit në Anfield.

Georginio Wijnaldum është larguar si i lirë nga The Reds dhe trajneri Jurgen Klopp e sheh Neuhausin si zëvendësuesin adekuat të holandezit.

Gjithsesi vlen të përmendet se në garë për gjermanin mbetet edhe kampioni në fuqi i Bundesligas, Bayern Munich. /Telegrafi/