Java e parafundit ishte spektakolare në elitën e futbollit kosovar.

Lufta për titull të kampionit do të vendoset në ndeshjen e fundit ashtu si për njërën pozitë të barazhit.

Por ‘luftë’ do të ketë edhe për golashënuesin më të mirë në Kosovë.

Sulmuesi nigerian, Oto John shënoi një gol ndaj Dritës për të shkuar në kuotën e 16 golave në këtë edicion.

John nuk do ta ketë të lehtë ta mbrojë trofeun e golashënuesit më të mirë të vitit.

Vetëm një gol pas nigerianit është talenti më i madh në futbollin kosovar Mirlind Daku që ka realizuar 15 gola.

Me 14 gola në pozitën e tretë ndodhet Kastriot Rexha i Dritës.

Por duket se në javën e fundit John dhe Daku do të tentojnë të shënojnë sa më shumë.

89-shi do të përballet me një kundërshtar të lehtë siç është Vllaznia e Pozhoranit dhe për John kjo është një mundësi e mirë për të shënuar gola.

As Daku nuk pritet të ketë problem shënimin e golave në ndeshjen e fundit pasi Llapi i tij luan tek Besa që ka rënë nga elita e futbollit tonë. /Telegrafi/