Ka përfunduar kava e 28-të në Superligën e Kosovës në futboll.

Lideri aktual Drita ka marrë një fitore të madhe në udhëtim te Llapi 1-3.

Dritës këtë fitore ia siguroi sulmuesi i tyre më i mirë Kastriot Rexha që shënoi het-trik.

Kastriot Rexha

Me këta tre gola Rexha është ngritur në kuotën e 13 golave në kampionat.

Në këtë sfidê golin e vetëm për Llapin e shënoi talenti i madh gjilanas Mirlind Daku.

Mirlind Daku

Edhe Daku ashtu si Rexha ka arritur në kuotën e 13 golave këtë edicion.

Po kaq gola ka edhe sulmuesi nigerian i Trepçës ’89, Oto John.

Oto John

Në pozitat katër dhe pesë ndodhen Genc Hamiti dhe Artur Magani me nga 11 gola.

Xhevdet Shabani i Dritës zë pozitën e gjashtë me 10 gola.

Lista e top shënuesve përfundon me Haxhimusën e Gjilanit dhe Milicajn e Feronikelit që kanë nga tetë gola si dhe Makenda e Morona që kanë shënuar nga një më pak. /Telegrafi/

Lista e 10 shënuesve më të mirë në Superligë: 

John Oto JOHN – KF Trepça’89 13 gola

Kastriot REXHA – KF Drita 13

Mirlind DAKU – KF Llapi 13

Artur MAGANI – KF Liria 11

Genc HAMITI – KF Drenica 11

Xhevdet SHABANI – KF Drita 10

Mark MILICAJ – KF Feronikeli 8

Betim HAXHIMUSA – KF Gjilani 8

Albutrint MORINA – KF Feronikeli 7

Gauthier MAKENDA – KF Prishtina / 7