Zëvendëskryeministri i Kosovës, Fatmir Limaj, ka uruar qytetarët për ‘Ditën e Forcës’.
Ai ka thënë se FSK, falë angazhimit e profesionalizmit të saj, mbetet ndër institucionet me besimin më të madh të qytetarëve.
Sipas tij, FSK tashmë ka hyrë në fazën e transformimit në Ushtrinë e Kosovës dhe shumë shpejt Kosova do ta ketë ushtrinë e saj.
“Forca e Sigurisë së Kosovës do të ofrojë siguri për të gjithë qytetarët, pa dallim etnie, dhe do t’i kontribuojë paqes e sigurisë në rajon”, ka shkruar ndër të tjera Limaj.
