Letra e ish-të dashurës së Carreyt e shkruar dy vite para se të vetëvritej: Ti më njoftove me kokainën, prostitutat dhe më infektove me herpes (Foto)

Në një letër të shkruar dy vjet para se të bënte vetëvrasje, ish- e dashura e Jim Carreyt e akuzonte aktorin se e ka ekspozuar ndaj jetës së shthurur seksuale, drogave dhe se e ka infektuar me herpes.

Letra ishte shkruar nga Cathriona White më 8 prill të vitit 2013 në iPad-in e saj. Nuk dihet nëse ia ka dërguar Carreyt para se të bënte vetëvrasje apo thjesht kishte mbetur në pajisjen e saj.

Në kohën kur bëri vetëvrasje (më 28 shtator 2015), ajo dhe komiku hollivudian ishin ndarë, pasi Cathriona kishte dalë pozitive në herpes, ndërsa Carrey thoshte se ai nuk e ka pasur këtë sëmundje dhe se ish-e dashura ishte infektuar para se të njihej me të.

Familja e White ka ngritur padi kundër aktorit 55-vjeçar, të cilin e akuzojnë se ia ka dhënë barnat, me të cilat ajo kishte bërë vetëvrasje. Dhe gjatë hetimeve, avokatët e familjes e kanë gjetur këtë letër që është publikuar nga DailyMail.com.

Në letër, Catriona e përshkruan me fjalë të saj lidhjen e trazuar me Carreyn dhe përshkruan se si e trajtonte ai. Mes tjerash, ajo e akuzon aktorin se ia ka ngjitur sëmundjen seksualisht të transmetueshme dhe asaj i duhej të jetonte me të.

Por, komiku edhe pse e kishte mohuar se ia ka ngjitur herpesin, asokohe ishte shprehur i gatshëm që t’i jepte para për t’u mjekuar, ndërsa ish-e dashura e tij kishte angazhuar avokatë për këtë gjë. Sidoqoftë, aktori nuk e ka treguar shumën e parave që ia ka paguar asaj.

“Dua që të kesh kujdes kur të jesh me femra tjera dhe të kujdesesh për trupin tënd dhe për ndikimin që kanë veprimet tua ndaj njerëzve. Nuk dua që të mos më respektojnë, ashtu si ke bërë ti”.

“Para se të njihesha me ty, ndoshta nuk kam pasur shumëçka, por kam pasur respekt, kam qenë e lumtur. E doja jetën, kisha vetëbesim dhe ndihesha mirë në lëkurën time dhe isha krenare për shumicën e vendimeve që i merrja”.

“Kur u takova me ty, ti më njoftove me kokainën, prostitutat, abuzimin mendor dhe sëmundjen. Më ke blerë gjëra, por duke qenë me ty, më ke thyer si person, Jim”, shkruan mes tjerash në letrën e Cathrionas.

Carrey dhe White ishin ribashkuar në vitin 2015, përkundër se ajo e kishte paditur më herët, ndërsa ishin ndarë sërish pak para se Cathriona të bënte vetëvrasje. /Telegrafi/