Leona Lewis në pritje të fëmijës së parë me bashkëshortin Dennis Jauch

Leona Lewis është në pritje të fëmijës së saj të parë me bashkëshortin, Dennis Jauch.

Burimet kanë zbuluar se krijuesja e hitit “Bleeding Love” e cili u martua me drejtorin kreativ në vitin 2019 – pritet të lind më vonë këtë vit.

Dhe ajo pritet të shpallë publikisht shtatzëninë e saj në fund të këtij muaji.

“Leona dhe Dennis janë absolutisht mbi hënën. Ata e kanë kaluar momentin historik 12-javor dhe i kanë thënë familjes dhe miqve të tyre në fillim të vitit “, tha një burim.

“Ata mezi presin të mirëpresin ardhjen e fëmijës dhe të bëhen një familje prej tre anëtarësh”, tha tutje ky burim, shkruan The Sun.

Leona – e cila fitoi famë kur fitoi X Factor në vitin 2006 forcoi karrierën e saj muzikore pas debutimit “Spirit” që u bë një nga albumet më të shitur në historinë e top-listave.

Ajo ka shitur më shumë se 35 milionë disqe në mbarë botën, me pesë albume të suksesshme dhe nominime për shtatë “Brit Awards” dhe tre “Grammy Awards”.

Ajo u takua për herë të parë me dashurinë afatgjatë, Dennis, kur ai punoi si balerin në turneun e saj “Labyrinth” të vitit 2010, dhe ata filluan të takoheshin menjëherë pas kësaj.

Në nëntor 2018, Leona konfirmoi se ata ishin fejuar pasi u fotografuan duke mbajtur një unazë diamanti gjatë pushimeve, duke shkruar në një postim në Instagram: “Mezi pres të jem gruaja jote”.

Dyshja u martuan në një ceremoni luksoze në pronën e Sting të shekullit të 16-të në Toskanë një vit më vonë.

Dhe në vitin 2020, Leona foli për planet e çiftit për të pasur një familje, duke zbuluar se ata do të konsideronin adoptimin e një fëmije.

Lexo po ashtu Të gjitha lajmet nga Leona Lewis

“Unë dua fëmijë, por Denis dhe unë kemi folur edhe për birësimin. Mamaja ime u rrit në një shtëpi fëmijësh. Askush nuk e ka adoptuar si fëmijë dhe unë do të doja shumë ta birësoja. Por unë jam ende duke i kuptuar gjërat.

Nëse do të ishte në dorën e burrit tim, ne do të kishim fëmijë dje”, Kishte deklaruar Leona në një intervistë atë kohë. /Telegrafi/