Pedri u detyrua të zëvendësohej në gjysmën e parë të ndeshjes ndërmjet Barcelonës dhe Manchester Unitedit për shkak të lëndimit.
Blaugranët e humbën njërin prej mesfushorëve kyçë që në fraksionin e parë të sfidës së Ligës së Evropës që u zhvillua në Camp Nou.
Sergi Roberto u inkuadrua për ta zëvendësuar 20-vjeçarin në takimin që përfundoi me rezultat të barabartë (2-2).
Katalunasit kanë lëshuar një komunikatë në lidhje me lëndimin duke thënë se ka pësuar një lëndim muskulor.
“Pedri i FC Barcelonës e ka lënduar muskulin rectus femoris në kofshën e tij të djathtë. Do të bëhen ekzaminime tjera mjekësore për ta përcaktuar lëndimin e plotë”, thuhet në komunikatë.
Ndërkaq, Mundo Deportivo ka raportuar se Pedri pritet të mungojë ndërmjet tri dhe katër javë që është një goditje për trajnerin Xavi Herandez, i cili e mbështet shumë lojën te cilësitë e talentit të tij. /Telegrafi/
