Një prej ëndrrave të këngëtares Lady Gaga tanimë do të realizohet.

Fituesja e çmimeve ‘Grammy’ do të performojë për herë të parë të hënën në Teatrin Apollo të Shteteve të Bashkuara të Amerikës, për dy kompanitë e mëdha SiriusXM dhe Pandora.

“Të performojë në Apollo ka qenë gjithnjë ëndrra ime. Faleminderit SiriusXM dhe Pandora që më ftuat. Jam shumë e emocionuar për fansat e mi që do të shohin një mbrëmje të veçantë”, janë fjalët e saj.

Lady Gaga (ROBYN BECK/AFP/Getty Images/Guliver)

Kjo nuk është hera e parë që SiriusXM po mban koncert privat në Apollo. Paul McCartney ka performuar në vitin 2010, Bruce Springsteen në 2012, Metallica në 2013, Pitbull në 2015, Gun N’Roses në 2017 dhe U2 në 2018-të.

Ndër tjerash, Gaga këtë vit fitoi një çmim Oskar për performancën e saj “A star is born” në duet me Bradley Cooper më këngën “Shallow”.

Këtë muaj e njëjta gjithashtu surprizoi fansat në evenimentin e famshëm ‘Met Gala’ me katër veshjet interesante që zgjodhi. /Telegrafi/